পশ্চিম গুৱাহাটীৰ অসম – মেঘালয় সীমান্তবৰ্তী অঞ্চল উমশ্ৰু গাওঁত ডাউন টাউন হস্পিতালৰ উদ্যোগত আৰু ৰংমন ট্যুৰিজিম চছাঁইটিৰ সহযোগত ১১ ডিচেম্বৰত উমশ্ৰু গীৰ্জাঘৰত এটা বিনামূলীয়া চকু চিকিৎসা শিবিৰ অনুষ্ঠিত হয়। শিবিৰত অভিজ্ঞ চকু চিকিৎসক ডাঃ বিতোপন শৰ্মাৰ নেতৃত্বত এটা চিকিৎসকৰ দলে শিশু, মহিলাকে ধৰি উপস্থিত প্ৰায় ১০০ জন লোকৰ চকু পৰীক্ষা কৰে।
আৰম্ভণিতে ৰংমন ট্যুৰিজিম চছাইটিৰ সভাপতি ধ্ৰুৱজ্যোতি দলৈয়ে আঁত ধৰা শিবিৰ মুকলি অনুষ্ঠানত ডাঃ বিতোপন শৰ্মাই উপস্থিত সকলোকে মানৱ দেহৰ অন্যতম গুৰুত্বপূৰ্ণ অংগ চকুজুৰিক কিদৰে ভালে ৰাখিব পাৰি সেই সম্পৰ্কে বিভিন্ন দিহা পৰামৰ্শ আগবঢ়ায়। শিবিৰত উমশ্ৰু গীৰ্জাঘৰৰ পালক অনুপ দলৈ, উমশ্ৰু ক্লাৱৰ সভাপতি সমৰ ৰাভা, সম্পাদক দীপাংকৰ ৰাভা, সমাজকর্মী প্ৰতাপ দলৈকে ধৰি কেবাজনেও চকু পৰীক্ষা কাৰ্যত চিকিৎসকৰ দলটোক সহযোগিতা আগবঢ়ায়।