আজি সম্পন্ন হ’ব প্রয়াত নিপন গোস্বামীৰ অন্ত্যেষ্টিক্রিয়া। নিশা তেওঁৰ নশ্বৰ দেহ জ্যোতি চিত্রবনত ৰখা হৈছিল আৰু তাতেই শেষ শ্রদ্ধা জ্ঞাপন কৰিলে বিভিন্ন ব্যক্তি, দল-সংগঠনে।
আজি পুৱা ৯ বজাত গোস্বামীদেৱৰ নশ্বৰ দেহ শ্রীমন্ত শংকৰদেৱ কলাক্ষেত্রলৈ নিয়াৰ পিছত, একাদিক্ৰমে দীঘলীপুখুৰী, আৰু ৰবীন্দ্র ভৱনলৈও নিয়া হ’ব । দিনৰ ১১ বজাত নৱগ্রহ শ্মশানত কৰা হ’ব শেষকৃত্য। ৰাজ্যিক মৰ্যাদাৰে শেষকৃত্য সম্পন্ন কৰা হ’ব নিপন গোস্বামীৰ।
উল্লেখ্য যে, বৃহস্পতিবাৰে পুৱা ৯.১৫ বজাত ইহলীলা সম্বৰণ কৰিছিল বিশিষ্ট অভিনেতা নিপন গোস্বামীয়ে। অভিনেতা গৰাকীৰ মৃত্যুক শোকৰ ছা পৰিছে সমগ্ৰ ৰাজ্যতে।
