অৰ্থনৈতিক ভাৱে দুৰ্বল শ্ৰেণীৰ (EWS) ৰ বাবে ১০ শতাংশ সংৰক্ষণৰ বিষয়টো লৈ উচ্চতম ন্যায়ালয়ৰ কাষ চাপিছে কেন্দ্ৰীয় চৰকাৰ। বিষয়টো বৰ্তমান উচ্চতম ন্যায়ালয়ত আছে, য’ত কেন্দ্ৰীয় চৰকাৰে EWS সংৰক্ষণে ESC, STৰ অধিকাৰত প্ৰভাৱ নেপেলায় বুলি কৈছে। ভাৰতৰ মুখ্য ন্যায়াধীশ ইউইউ ললিত, ন্যায়াধীশ দিনেশ মহেশ্বৰী, ন্যায়াধীশ এছ ৰবীন্দ্ৰ ভাট, ন্যায়াধীশ বেলা এম ত্ৰিবেদী আৰু ন্যায়াধীশ জে বি পাৰ্দিৱালাক লৈ গঠিত এখন সংবিধান বিচাৰপীঠৰ সন্মুখত এই প্ৰতিবেদন দাখিল কৰা হৈছিল।
অৰ্থনৈতিক ভাৱে দুৰ্বল শ্ৰেণীৰ বাবে সংৰক্ষণৰ সাংবিধানিক বৈধতাক প্ৰত্যাহ্বান জনোৱা গোচৰত শুনানি চলি আছে। কেন্দ্ৰীয় চৰকাৰৰ তৰফৰ পৰা কে কে বেনুগোপালে কয় যে “সমাজৰ দুৰ্বল শ্ৰেণীৰ লোক সকলৰ বাবে সক্ষম ব্যৱস্থাৰ এক শৃংখলা স্থাপনৰ বাবে ১০৩ তম অনুচ্ছেদত সংবিধান সংশোধনী অনা হৈছিল। অনুসূচীত জাতি, অনুসূচীত জনজাতি আৰু অ’বিচিকে ধৰি পিছপৰা শ্ৰেণীবোৰত অন্তৰ্ভুক্ত থাকে অৰ্থনৈতিকভাৱে দুৰ্বল শ্ৰেণী। অৱশ্যে, ফৰৱাৰ্ড শ্ৰেণী বা সাধাৰণ শ্ৰেণীবোৰত অৰ্থনৈতিক ভাৱে দুৰ্বল লোক অন্তৰ্ভুক্ত থাকে, যিসকল অত্যন্ত দৰিদ্ৰ।
সংশোধনীৰ জৰিয়তে, ৰাজ্যখনে আর্থিক ভাৱে দুৰ্বল শ্ৰেণীৰ লোক সকলক ইতিবাচক পদক্ষেপ প্ৰদান কৰিছিল যি সকলে সংৰক্ষণৰ অধীনত লাভালাভ লাভ কৰা নাছিল। সাধাৰণ শ্ৰেণীত একাংশ আছে যি অত্যন্ত দৰিদ্ৰ, অৰ্থাৎ অৰ্থনৈতিক ভাৱে দুৰ্বল শ্ৰেণী। দেশৰ মুঠ জনসংখ্যাৰ অৰ্থনৈতিক ভাৱে দুৰ্বল শ্ৰেণীৰ হৈছে ২৫ শতাংশ। মুঠ জনসংখ্যাৰ ১৮.২ শতাংশ সাধাৰণ শ্ৰেণীৰ অৰ্থনৈতিক ভাৱে দুৰ্বল শ্ৰেণীৰ অন্তৰ্ভুক্ত।
অৰ্থনৈতিক ভাৱে দুৰ্বল শ্ৰেণীৰ বাবে ১০ শতাংশ সংৰক্ষণে সৰ্বাধিক ৫০ শতাংশ সীমা প্ৰভাৱিত নকৰে। ১০ শতাংশ সংৰক্ষণ পিছপৰা শ্ৰেণীক দিয়া সংৰক্ষণৰ পৰা সম্পূৰ্ণৰূপে স্বতন্ত্ৰ। ই তেওঁলোকৰ অধিকাৰ উলংঘা নকৰে। ই ৫০ শতাংশৰ পৰা স্বতন্ত্ৰ। ST/SC সকলক পদোন্নতিৰ জৰিয়তে এক বিশেষ ব্যৱস্থা প্ৰদান কৰা হৈছে। তেওঁলোকক পঞ্চায়ত, পৌৰসভা, লোকসভা, বিধানসভাত সংৰক্ষণ দিয়া হৈছে।
