ভাৰতীয় মহিলাৰ বাবে সুখবৰ। ভাৰতীয় নৌসেনাত অগ্নিপথৰ অধীনত মহিলাসকলে অগ্ৰাধিকাৰ লাভ কৰিব। নৌসেনাই অগ্নিবীৰৰ প্ৰথম দলত ২০ শতাংশ মহিলাক নিযুক্তি দিব।
২০২২ চনত ভাৰতীয় নৌসেনাই মুঠ ৩,০০০ অগ্নিবীৰ নিয়োগ কৰিব। ভাৰতীয় নৌসেনাৰ অগ্নিপথ প্ৰকল্পৰ নিযুক্তি পৰ্যায় ১ জুলাইত আৰম্ভ হৈছিল। সূত্ৰঅনুসৰি, ১০,০০০ ৰো অধিক মহিলা আবেদনকাৰীৰ নাম উল্লেখ কৰা হৈছে। পঞ্জীয়ন পৰ্যায়ৰ শেষত আবেদন প্ৰক্ৰিয়া আৰম্ভ হ’ব। অগ্নিপথ প্ৰকল্পৰ বাবে ৩০ জুলাই লৈকে নৌসেনাত আবেদন কৰিব পাৰিব।
ইয়াৰ পূৰ্বে তিনিওজন সেনা প্ৰধানৰ সংবাদমেলত ভাইচ এডমিৰেল দিনেশ ত্ৰিপাঠীয়ে উল্লেখ কৰিছিল, “অগ্নিপথ প্ৰকল্পত নিযুক্তি প্ৰক্ৰিয়া সম্পূৰ্ণৰূপে লিংগ নিৰ্বিশেষে হ’ব। পুৰুষ-মহিলা উভয়ে অগ্নিপথ প্ৰকল্পৰ বাবে আবেদন কৰিব পাৰিব” বৰ্তমান নৌসেনাত ৩০ গৰাকী মহিলা বিষয়াই সেৱা আগবঢ়াই আছে। সেয়েহে, অগ্নিবীৰ হিচাপে মহিলাৰ গুৰুত্বও নৌসেনাত সমান হ’ব। ভাইচ এডমিৰেলে এইদৰে কৈছিল। মহিলা অগ্নিনিৰ্বাপক বাহিনীকো যুদ্ধজাহাজত নিযুক্তি দিয়া হ’ব।
