বৃহস্পতিবাৰে চৰাইদেউ জিলাৰ লাকুৱাৰ চাৰিমুঠিয়াত থকা ULFA (আলোচনাপন্থী)ৰ শিবিৰত ৪৩ সংখ্যক প্ৰতিষ্ঠা দিৱস উদযাপন কৰা হয়। সেই অনুসৰি পুৱা পতাকা উত্তোলন কৰে সভাপতি অৰবিন্দ ৰাজখোৱাই আৰু কেন্দ্ৰীয় সমিতিৰ সাধাৰণ সম্পাদক অনুপ চেতিয়াই শ্বহীদ তৰ্পণ কৰি দীঘলীয়া সংগ্ৰামী ইতিহাসত প্ৰাণ বিসৰ্জন দিয়া সংগ্ৰামী সেনানীসকলক শ্ৰদ্ধাৰে স্মৰণ কৰে।
লাকুৱাৰ সংযুক্ত মুক্তি বাহিনীৰ আলফাৰ শিৱিৰটোত উদযাপিত ULFA স্বাধীনৰ প্ৰতিষ্ঠা দিৱসত সভাপতি অৰবিন্দ ৰাজখোৱাৰ লগতে কেন্দ্ৰীয় সমিতিৰ সাধাৰণ সম্পাদক অনুপ চেতিয়াই চৰকাৰৰ সৈতে শান্তি আলোচনাত বহি অসম ভাৰত সংঘাত নিৰাময় কৰিবলৈ আলফাৰ নেতৃত্ব সদায়ে সাজু বুলিও প্ৰকাশ কৰে।
