বুধবাৰে ঘোষণা হ’ল দিল্লীৰ পৌৰ নিগম নিৰ্বাচনৰ ফলাফল। দিল্লীত পুনৰ বিজয় সাব্যস্ত কৰিলে আম আদমী পাৰ্টিয়ে।
পৌৰ নিগমৰ ২৫০ খন আসনৰ ১৩৪ খন আসন AAP, ১০৪ খন আসন বিজেপি, ৯ খন আসন কংগ্ৰেছ আৰু অন্যান্যই লাভ কৰে ৩ খনকৈ আসন। এই জয়ৰ পাছতেই দিল্লীৰ মুখ্যমন্ত্ৰী অৰবিন্দ কেজৰিৱালে কয় যে দিল্লীৰ ৰাইজে ১৫ বছৰে দুৰ্নীতিগ্ৰস্ত বিজেপি চৰকাৰক আঁতৰাবলৈ আৰু AAP চৰকাৰ গঠন কৰিবলৈ সংখ্যাগৰিষ্ঠতা প্ৰদান কৰিছে। এইটো আপৰ বাবে এটা ডাঙৰ দায়িত্ব।
তেওঁ লগতে কয় যে, দিল্লীৰ মানুহে মোক দিল্লী পৰিষ্কাৰ কৰা, দুৰ্নীতি ৰোধ কৰা আদি বিভিন্ন দায়িত্ব দিছে। আপোনাৰ বিশ্বাস বজাই ৰাখিবলৈ মই দিন-ৰাতি কঠোৰ পৰিশ্ৰম কৰিম। মই দিল্লীৰ লোকসকলক অভিনন্দন জনাব বিচাৰো।
