নাগালেণ্ডৰ পাছত মণিপুৰতো বৃদ্ধি হ’ল আফস্পাৰ ম্যাদ

উত্তৰ-পূৰ্বাঞ্চলত বিতৰ্কিত আইন বাতিল কৰাৰ দাবীৰ মাজতে মণিপুৰ চৰকাৰে অলপতে ৰাজ্যখনত সশস্ত্ৰ বাহিনী (বিশেষ ক্ষমতা) আইন বা AFSPA ১ ডিচেম্বৰলৈ বৃদ্ধি কৰে। বিশেষ সচিব (গৃহ) এইচ জ্ঞান প্ৰকাশে এক নিৰ্দেশত কয় যে ৰাজ্যপাল গণেশনে ইম্ফল পৌৰ অধিকাৰক্ষেত্ৰৰ বাহিৰে মণিপুৰত আইনখনৰ ধাৰাৰ অধীনত ‘অশান্ত এলেকা’ হিচাপে ঘোষণা কৰিছে।
উল্লেখ্য যে AFSPA ৰ বিশেষ ক্ষমতা অনুযায়ী, সেনাসকলক ‘ৰাজহুৱা শৃংখলা বজাই ৰখাৰ’ বাবে প্ৰয়োজনত অনুসন্ধান, গ্ৰেপ্তাৰ আৰু গুলী চালনা কৰাৰ ক্ষমতা প্ৰদান কৰে। উত্তৰ-পূৰ্বাঞ্চলত, বৰ্তমান অসম, নাগালেণ্ড আৰু অৰুণাচল প্ৰদেশ এই তিনিখন জিলাত AFSPA আইন বলবৎ হৈ আছে। নাগালেণ্ড বিধানসভাই সৰ্বসন্মতিক্ৰমে চৰকাৰক উত্তৰপূৰ্বাঞ্চলৰ পৰা আইন প্ৰত্যাহাৰ কৰিবলৈ আহ্বান জনোৱাৰ পিছতো এই সিদ্ধান্ত গ্ৰহণ কৰাক লৈ মণিপুৰৰ বাসিন্দাসকলে আপত্তি দৰ্শাইছে৷
আনহাতে, নাগালেণ্ডৰ নাগৰিক সমাজ আৰু জনজাতীয় সংস্থাৰ সদস্যসকলে ২০২১ চনৰ ডিচেম্বৰত ৰাজ্যখনৰ মন জিলাত নিৰাপত্তা বাহিনীৰ সদস্যৰ দ্বাৰা ১৪ জন নাগৰিক নিহত হোৱাৰ পিছত আইনখন বাতিল কৰাৰ বাবে সৰ্বত্ৰে দাবী জনাই আহিছে। নিহত লোকসকল কিছুমান স্থানীয় কয়লা খনিৰ কৰ্মী আছিল আৰু তেওঁলোকক ভূলবশতঃ বিদ্ৰোহী বুলি ভবা হৈছিল, আৰু তেওঁলোকক অবিচাৰভাৱে গুলিয়াই হত্যা কৰা কৰা হৈছিল৷