দিল্লীৰ পাছত পঞ্জাবত চৰকাৰ গঠন কৰা ‘আম আদমী পাৰ্টী’-এ এইবাৰ উত্তৰ-পূৰ্বাঞ্চললৈ দৃষ্টি নিক্ষেপ কৰিছে। এই উদ্দেশ্যে লৈ দলটোৰ নেতাসকলে গুৱাহাটী পৌৰ নিগমৰ নিৰ্বাচনত তেওঁলোকে সৰ্বশক্তি প্ৰয়োগ কৰিব। তেওঁলোকে ৬০খন আসনৰ নিৰ্বাচনত ৪০খনত প্ৰাৰ্থিত্ব প্ৰদান কৰিছে। AAP নেতা মহেশ যোশীয়ে আশা কৰিছে যে প্ৰায় ৪০গৰাকী প্ৰাৰ্থী জিকিব। আপে এইবাৰ গুৱাহাটী পৌৰ নিগমৰ দায়িত্ব ল’ব!
‘গুৱাহাটীৰ ৰাইজে কংগ্ৰেছ-বিজেপিৰ সকলো কামেই দেখিলে। নৰ্দমা পৰিষ্কাৰ কৰা, স্বাস্থ্যসেৱা আদিৰ দৰে জৰুৰী বিষয়ত কোনো এখন চৰকাৰেই উপযুক্ত পদক্ষেপ গ্ৰহণ নকৰিলে। গতিকে গুৱাহাটীৰ ৰাইজে এক গ্ৰহণযোগ্য বিকল্প শক্তি বিচাৰি আছে আৰু সেই বিকল্প এইবাৰ AAP হ’ব’-বুলি যোশীয়ে দাবী কৰে। কিন্তু আপে দাবী কৰাৰ দৰে ৪০খন আসনত ৩১ৰ যাদুসংখ্যা অতিক্ৰম কৰাটো সম্ভৱ হ’বনে? তেতিয়াই AAPৰ নেতাজনে উত্তৰ দিছিল যে, “কেইদিনমানৰ আগতে বহুলোকে পঞ্জাবৰ বিষয়ে একেই কথা কৈছিল। সেই ৰাজ্যৰ মানুহে অসম্ভৱকো সম্ভৱ কৰি তুলিলে। গুৱাহাটীতো একেই ঘটিব।”
AAP নেতৃত্বই কংগ্ৰেছৰ সৈতে প্ৰতিযোগিতালৈ নামিবলৈ অনিচ্ছুক। যোশীয়ে কৈছিল যে, ‘শতিকা পুৰণি দলটো এতিয়া ধ্বংসৰ পথত। সেয়েহে তেওঁলোকে বিজেপিৰ সৈতে যুঁজ দিব। গুৱাহাটীৰ লোকসকল ৰাজনৈতিকভাৱে যথেষ্ট সচেতন। গতিকে তেওঁলোকে বিজেপিক ভোট দি তেওঁলোকৰ মূল্যৱান ভোট অপচয় কৰিব নিবিচাৰে।’ আনহাতে, কংগ্ৰেছ নেতা দেৱব্ৰত শইকীয়াই কয় যে, ‘তেওঁলোক একেৰাহে পৰাজয় বৰণ কৰিলেও ৰাজনৈতিক খেলপথাৰ এৰি নাযায়। কংগ্ৰেছে গণতন্ত্ৰৰ বাবে যুঁজ দিব লাগিব।’
