ঠেঙাল কছাৰী স্বায়ত্ব শাসিত পৰিষদৰ নিৰ্বাচনত বিজেপি মিত্ৰজোঁটৰ জয়

ঠেঙাল কছাৰী স্বায়ত্ব শাসিত পৰিষদৰ নিৰ্বাচনত সোমবাৰে ঘোষণা কৰা ফলাফলত বিজেপি, অগপৰ মিত্ৰজোঁটে বিপুল বিজয় সাব্যস্ত কৰে। ঠেঙাল পৰিষদৰ তিতাবৰৰ দহটা সমষ্টিত বিজেপি দলে ৬ টা সমষ্টিত অগপে ১ টা কংগ্ৰেছ দলে ২ টা সমষ্টিত আৰু এগৰাকী নিৰ্দলীয় প্ৰাৰ্থী বিজয় সাব্যস্ত কৰে।
কংগ্ৰেছৰ ভেঁটি খহাই মিত্ৰজোঁট বিজেপি অগপে ৭ আসনত জয় লাভ কৰে। ঘোষণা কৰা ফলাফলত বৰুৱাজান সমষ্টিত বিজেপিৰ প্ৰাৰ্থী তথা প্ৰাক্তন কাৰ্যবাহী কুমুদ কছাৰী, জালুকনিবাৰী সমষ্টিত বিজেপিৰ প্ৰাৰ্থী শ্যামলকৃষ্ণ বৰা, তিতাবৰ সমষ্টিত বিজেপিৰ প্ৰাৰ্থী বন্তি শইকীয়া, নগাবাট সমষ্টিত বিজেপিৰ প্ৰাৰ্থী বিপুল কছাৰী, মাধপুৰ সমষ্টিত বিজেপি প্ৰাৰ্থী প্ৰতাপ কছাৰী, ফুলবাৰী সমষ্টিত মিত্ৰজোঁটৰ অগপ প্ৰাৰ্থী পুৰ্ণ বৰা, দিহিঙীয়া সমষ্টিত কংগ্ৰেছ প্ৰাৰ্থী অচিন্ত শইকীয়া, চামগুৰি সমষ্টিত বিজেপিৰ প্ৰাৰ্থী পুলক কছাৰী বিজয়া হয়।
সেইদৰে, তামোলবাৰী সমষ্টিত কংগ্ৰেছ প্ৰাৰ্থী লক্ষেশ্বৰ হাজৰিকা, দুই নং বৰহোলা সমষ্টিত নিৰ্দলীয় প্ৰাৰ্থী বন্দিতা শইকীয়া বিজয়ী হয়। উল্লেখ্য যে, বৰহোলা সমষ্টিত একেৰাহে তৃতীয়বাৰলৈ নিৰ্দলীয় প্ৰাৰ্থী জয়ী হৈ অভিলেখ গঢ়ে ।