পি চিদাম্বৰমৰ পুত্ৰ কাৰ্তি চিদাম্বৰমৰ সৈতে জড়িত থকা দেশৰ প্ৰায় ৯টা স্থানত CBIৰ অভিযান। তালাচী চলোৱা স্থানসমূহৰ ভিতৰত আছে চেন্নাইৰ দুটা স্থান, মুম্বাইৰ তিনি স্থান, কৰ্ণাটক, পঞ্জাব আৰু ওড়িশাৰ এটাকৈ স্থান। জানিব পৰা মতে, কাৰ্তি চিদাম্বৰমৰ ঘৰ আৰু কাৰ্যালয়তো CBI য়ে অভিযান চলায়। কাৰ্তিৰ বিৰুদ্ধে চীনা কৰ্মচাৰীক ভিছা প্ৰদানৰ বাবে ৫০ লাখ টকা ঘোচ লোৱাৰ অভিযোগ আছে।
I have lost count, how many times has it been? Must be a record.
— Karti P Chidambaram (@KartiPC) May 17, 2022
এই তালাচী অভিযানক লৈ কাৰ্তি চিদাম্বৰমে টুইটত লিখিছে যে, মই গণিবলৈ পাহৰি গৈছো কিমানবাৰ হৈছে। এয়া এক ৰেকৰ্ড হ’ব। জানিব পৰা মতে, কাৰ্তি বৰ্তমান লণ্ডনত আছে।
উল্লেখযোগ্য যে, কাৰ্তি চিদাম্বৰমৰ বিৰুদ্ধে চিবিআয়ে শেহতীয়াকৈ এটা নতুন গোচৰ ৰুজু কৰিছিল। এই গোচৰ ২০১০–২০১৪ৰ ভিতৰত বিদেশলৈ টকা প্ৰেৰণৰ সৈতে জড়িত। প্ৰাথমিক তদন্তৰ পিছত এই গোচৰত চিবিআয়ে এফআইআৰ দাখিল কৰিছিল।
This morning, a CBI team searched my residence at Chennai and my official residence at Delhi. The team showed me a FIR in which I am not named as an accused.
The search team found nothing and seized nothing.
I may point out that the timing of the search is interesting.
— P. Chidambaram (@PChidambaram_IN) May 17, 2022
ইফালে চিবিআইৰ অভিযানৰ সময়তে, পি চিদাম্বৰমে টুইট কৰি লিখিছে – ‘‘আজি পুৱা চিবিআইৰ এটা দলে চেন্নাইত মোৰ আৱাস আৰু দিল্লীত মোৰ অফিচিয়েল আৱাসত তালাচী চলায়। দলটোৱে মোক এখন এফআইআৰ দেখুৱায়, য’ত মোৰ নাম অভিযুক্ত হিচাহে নাই। অভিযানকাৰী দলে একো নাপালে, একো জব্দও কৰিব নোৱাৰিলে। মই ক’ব পাৰো যে অভিযানৰ সময় গুৰুত্বপূৰ্ণ।’