বহু বাধা-বিঘিনি নেওচাৰ অন্তত আজি পশ্চিম বংগ পঞ্চায়ত নিৰ্বাচনৰ ভোট গণনা পৰ্ব পুৱা ৮ বজাৰ পৰা অনুষ্ঠিত হৈছে। কটকটীয়া নিৰাপত্তা বেষ্টনীৰ মাজত অনুষ্ঠিত হৈছে ভোট গণনা পৰ্ব।
যোৱা ৮ জুলাইত ৰাজ্যখনত অনুষ্ঠিত হৈছিল পঞ্চায়ত নিৰ্বাচন। পশ্চিম বংগ পঞ্চায়ত নিৰ্বাচনত ৭৩,৮৮৭ খন আসনত অৱৰ্তীৰ্ণ হৈছিল প্ৰায় ২ লক্ষাধিক প্ৰাৰ্থীয়ে। ৬১,০০০ তকৈও অধিক ভোটকেন্দ্ৰত অনুষ্ঠিত হৈছিল নিৰ্বাচন। ৰাজ্যখনৰ প্ৰায় ৮০.৭১ শতাংশতকৈ অধিক লোকে ভোটদান কৰিছিল।
ভোট গ্ৰহণৰ পূৰ্বৰে পৰা ৰাজ্যখনত হিংসাত্মক পৰিস্থিতিৰ সৃষ্টি হোৱাৰ ফলত ৰাজ্যখনৰ ১৯ খন জিলাৰ ৬৯৬ টা কেন্দ্ৰত দেওবাৰে পুনৰ ভোটগ্ৰহণ কৰিবলগীয়া হৈছিল।
