আধাৰ কাৰ্ডক লৈ মুখ্যমন্ত্ৰী হিমন্ত বিশ্ব শৰ্মাই স্পষ্ট কৰি দিয়ে যে, আধাৰ কাৰ্ডৰ কাম চলি আছে আৰু চলি থাকিব। ইফালে ৩০ জুনৰ ভিতৰত আধাৰ কাৰ্ডৰ দিয়াৰ বাবে সকলো ব্যৱস্থা লবলৈ উপায়ুক্ত সকলক নিৰ্দেশ দিশে মুখ্যমন্ত্ৰীয়ে। লগতে চাহ বাগান অঞ্চলৰ লোকে যিহেতু এতিয়াও আধাৰ কাৰ্ড পোৱা নাই, গতিকে তেওঁলোকৰ বাবেও বিশেষ ব্যৱস্থা কৰিবলৈ কয় মুখ্যমন্ত্ৰীয়ে। সোমবাৰে তেজপুৰত মুখ্যমন্ত্ৰীয়ে উপায়ুক্তসকলৰ সৈতে বৈঠকত অংশ গ্ৰহণ কৰাৰ পিছতে এই মন্তব্য কৰে।
উল্লেখ্য যে, যদি আপুনি এতিয়াও নিজৰ পেন কাৰ্ডৰ আধাৰৰ সৈতে লিংক কৰা নাই তেন্তে শীঘ্ৰে সম্পন্ন কৰি লওক এই কাম। পেন-আধাৰ লিংকৰ অন্তিম সময়সীমা আছিল ৩১ মাৰ্চ, ২০২২। কিন্তু এতিয়া জনসাধাৰণৰ সুবিধাৰ প্ৰতি লক্ষ্য ৰাখি চৰকাৰে এই সময়সীমা ৩০ জুন ২০২২লৈকে বৃদ্ধি কৰিছে। কিন্তু এই সময়ছোৱাৰ ভিতৰত আধাৰৰ সৈতে পেন কাৰ্ড লিংক কৰোতে আপুনি পৰিশোধ কৰিব লাগিব ৫০০ টকাৰ জৰিমনা। আৰু যদিহে এজন পেন কাৰ্ড হোল্ডাৰে নিজৰ পেন কাৰ্ডৰ সৈতে তেওঁৰ আধাৰ নম্বৰ লিংক কৰিবলৈ এই সময়ছোৱাৰ ভিতৰতো সক্ষম নহয় তেন্তে জুলাই মাহৰ পৰা ১০০০ টকা জৰিমনা পৰিশোধ কৰিব লাগিব।