আমেৰিকাৰ ৰাষ্ট্ৰপতি হ’বলৈ সাজু হৈছে প্ৰাক্তন ৰাষ্ট্ৰপতি ডনাল্ড ট্ৰাম্প। ডনাল্ড ট্ৰাম্পে কৈছে যে তেওঁ ২০২৪ চনত পুনৰ ৰাষ্ট্ৰপতি পদৰ বাবে প্ৰতিদ্বন্দিতা কৰিব। ট্ৰাম্পে কয়, ‘আমি অৱনতি হোৱা এখন ৰাষ্ট্ৰ।লাখ লাখ আমেৰিকানলোকৰ বাবে, জো বিডেনৰ অধীনত যোৱা দুবছৰ বেদনা, কষ্ট, উদ্বেগ আৰু হতাশা আহিছে। আমেৰিকাক পুনৰ গৌৰৱময় কৰি তুলিবলৈ মই আজি ৰাতি আমেৰিকা যুক্তৰাষ্ট্ৰৰ ৰাষ্ট্ৰপতি পদৰ বাবে মোৰ প্ৰাৰ্থিত্ব ঘোষণা কৰিছোঁ।’
উল্লেখযোগ্য যে, ২০২০ চনৰ আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত ৰাষ্ট্ৰপতি হিচাপে একেৰাহে দ্বিতীয়বাৰৰ বাবে কাৰ্যকাল লাভ কৰাৰ আশাত প্ৰতিদ্বন্দিতা কৰা ডনাল্ড ট্ৰাম্পে বৰ্তমানলৈকে সেই সময়ৰ পৰাজয়ৰ কথা যেন স্বীকাৰ কৰিব পৰা নাই। তেওঁ বৰ্তমান ৰাষ্ট্ৰপতিৰ দৌৰত পুনৰ দৌৰিবলৈ সম্পূৰ্ণ সাজু হৈ আছে বুলিও ইংগিত দিয়ে।