আজি কাৰ্বি আংলং স্বায়ত্তশাসিত পৰিষদৰ নিৰ্বাচন। পুৱা ৭.৩০ বজাৰ পৰা আৰম্ভ হৈছে ভোটগ্ৰহণ প্ৰক্ৰিয়া। ২৬টা পৰিষদীয় সমষ্টিৰ বাবে অনুষ্ঠিত হৈছে নিৰ্বাচন। মুঠ ৯০৮ টা কেন্দ্ৰত পুৱাৰে পৰা অব্যাহত আছে ভোটগ্ৰহণ প্ৰক্ৰিয়া। ৭,৪০,০৬০ গৰাকী ভোটাৰে নিৰ্ণয় কৰিব ১৫৪ গৰাকী প্ৰাৰ্থীৰ ভাগ্য।
পুৱাৰে পৰা ভোটকেন্দ্ৰসমূহত দেখা গৈছে ভোটাৰৰ দীঘলীয়া শাৰী। ভোট দিবলৈ ওলাই আহিছে জনতা। ডিফুৰ বিধায়ক বিদ্যাছিং ইংলেঙে পুৱা সাব্যস্ত কৰিলে নিজৰ ভোটাধিকাৰ।
আনহাতে, আজি বিটিচিৰ কাকলিবাৰীতো অনুষ্ঠিত হৈছে উপ-নিৰ্বাচন। সন্ধিয়া ৪.৩০ বজালৈ চলিব ভোটগ্ৰহণ প্ৰক্ৰিয়া।
