বিৰোধী দলৰ প্ৰতিবাদৰ মাজতেই কেন্দ্ৰীয় মন্ত্ৰী স্মৃতি ইৰাণীয়ে নাগৰিকত্ব সংশোধনী আইন (কা), ২০১৯ কাৰ্যকৰী কৰাক লৈ কেন্দ্ৰীয় চৰকাৰৰ সিদ্ধান্তক সমৰ্থন জনায়। স্মৃতি ইৰাণীয়ে কয় যে কা কাৰ্যকৰী কৰাতো চৰকাৰৰ শুদ্ধ সিদ্ধান্ত। তেওঁ দাবী কৰি কয় যে চৰকাৰৰ এই সিদ্ধান্তই সমগ্ৰ দেশৰ সমৰ্থন লাভ কৰিছে।
বিজেপি নেত্ৰীগৰাকীয়ে মঙলবাৰে বংগৰ বৰ্ধমানত সংবাদ মাধ্যমৰ আগত এই মন্তব্য কৰে।
তেওঁ কয় যে, “আফগানিস্তান, পাকিস্তান আৰু বাংলাদেশৰ দৰে দেশৰ পৰা অহা হিন্দু, শিখ আৰু জৈন সম্প্ৰদায়ৰ লোকসকলক নাগৰিকত্ব প্ৰদান কৰা হ’ব। প্ৰধানমন্ত্ৰী মোডীয়ে এই প্ৰতিশ্ৰুতি পূৰণ কৰিছে।
স্মৃতি ইৰাণীয়ে কা-ৰ বিৰোধিতাৰ মাজতেই মুখ্যমন্ত্ৰী মমতা বেনাৰ্জীৰ ওপৰত তীব্ৰ আক্ৰমণ কৰে। তেওঁ কয়, “মমতা বেনাৰ্জীয়ে তেওঁৰ ভোট বেংকৰ বাবে কিছুমান সম্প্ৰদায়ক উত্তেজিত কৰাৰ চেষ্টা কৰি আছে, কিন্তু সমগ্ৰ দেশে জানে যে প্ৰধানমন্ত্ৰী মোডীৰ এই সিদ্ধান্ত সঠিক।
উল্লেখ্য যে, মমতা বেনাৰ্জীয়ে কৈছিল যে, কা ৰূপায়ণ কেৱল এটা নিৰ্বাচনী কৌশল আছিল। কা-ৰ অধীনত নাগৰিকত্বৰ বাবে আবেদন কৰা যিকোনো লোকক “অবৈধ প্ৰব্ৰজনকাৰী” বুলি অভিহিত কৰা হ’ব।
