জি এম চি এইছত আজি অস্ত্ৰোপচাৰ সম্পন্ন হ’ব কীৰ্তি কমলৰ

নগাওঁ কাণ্ডৰ ভুক্তভোগী কীৰ্তি কমল বৰাৰ আজি গুৱাহাটী চিকিৎসা মহাবিদ্যালয়ত সম্পন্ন হ’ব ভৰিৰ অস্ত্ৰোপচাৰ। এণ্টি নাৰ্কটিক স্কোৱাডৰ গুলীত আহত কীৰ্তি কমল সেই ঘটনাৰ পিছতে কোভিড পজিটিভ হিচাপে চিনাক্ত হৈছিল। ফলত তেওঁৰ অস্ত্ৰোচাৰ সম্পন্ন কৰিব পৰা হোৱা নাছিল। ক’ভিড নিগেটিভ হোৱাৰ বাবে শুকুৰবাৰে জি এম চি এইছৰ চিকিৎসক ডাঃ সমৰজ্যোতি গগৈৰ নেতৃত্বত কীৰ্তি কমলৰ অস্ত্ৰোপচাৰ সম্পন্ন হ’ব।
চিকিৎসকে প্ৰকাশ কৰা মতে অস্ত্ৰোপচাৰৰ পিছত স্বাভাৱিক অৱস্থা ঘূৰাই পাবলৈ কীৰ্তি কমলক অতি কমেও ২ মাহ সময়ৰ প্ৰয়োজন হ’ব।