লোকসভা নিৰ্বাচন সমাগত। আজিৰ দিনটোত অসমৰ কেইবাগৰাকীও প্ৰাৰ্থীয়ে মনোনয়ন পত্ৰ দাখিল কৰিব।ডিব্ৰুগড় লোকসভা সমষ্টিৰ বাবে আজি বিজেপিৰ প্ৰাৰ্থী সৰ্বানন্দ সোণোৱালে মনোনয়ন পত্ৰ দাখিল কৰিব। সৰ্বানন্দ সোণোৱালক সংগ দিব মুখ্যমন্ত্ৰী হিমন্ত বিশ্ব শৰ্মাই। আনহাতে আজি ডিব্ৰুগড়ৰ বিৰোধী মিত্ৰজোঁটৰ প্ৰাৰ্থী লুৰীণজ্যোতি গগৈয়েও মনোনয়ন পত্ৰ দাখিল কৰিব। লুৰীণজ্যোতিক সংগ প্ৰদান কৰিব অখিল গগৈ, অজিত ভূঞাৰ লগতে অসম প্ৰদেশ কংগ্ৰেছৰ সভাপতি ভূপেন বৰাই।
আনহাতে লখিমপুৰত মনোনয়ন দাখিল কৰিব বিজেপিৰ প্ৰাৰ্থী প্ৰদান বৰুৱাই। প্ৰদান বৰুৱাকো সংগ প্ৰদান কৰিব মুখ্যমন্ত্ৰী ড০ হিমন্ত বিশ্ব শৰ্মাই। জানিব পৰা মতে বুধবাৰে মনোনয়ন দাখিল কৰিব কংগ্ৰেছৰ প্ৰাৰ্থী গৌৰৱ গগৈ, বিজেপিৰ প্ৰাৰ্থী ৰঞ্জিত দত্ত, কামাখ্যা প্ৰসাদ তাছা আৰু তপন গগৈয়ে।
