নিৰ্বাচনত যুৱ প্ৰজন্মৰ ভোটদাতাসকলৰ ‘সাৰ্বজনীন প্ৰবুদ্ধ অংশগ্ৰহণ’ নিশ্চিত কৰাৰ লক্ষ্যৰে শিক্ষা মন্ত্ৰালয়ে ২৮ ফেব্ৰুৱাৰীৰ পৰা ৬ মাৰ্চ ২০২৪ লৈ “মেৰা পেহলা ভোট দেশ কে লিয়ে” শীৰ্ষক কাৰ্যসূচী অনুষ্ঠিত কৰিব।
কেন্দ্ৰীয় শিক্ষা আৰু দক্ষতা বিকাশ তথা উদ্যোগ দপ্তৰৰ মন্ত্ৰী ধৰ্মেন্দ্ৰ প্ৰধানে দেশৰ যুৱপ্ৰজন্মক তেওঁলোকৰ কণ্ঠস্বৰ সকলোৱে শুনাকৈ ধ্বনিত কৰিবলৈ আহ্বান জনায়। প্ৰসংগক্ৰমে তেওঁ প্ৰধানমন্ত্ৰী নৰেন্দ্ৰ মোদীয়ে যুৱ প্ৰজন্ম আৰু প্ৰথমবাৰৰ বাবে ভোট দিবলৈ ওলোৱাসকলক বৃহৎ সংখ্যাত ওলাই আহি ভোটাধিকাৰ সাব্যস্ত কৰিবলৈ জনোৱা আহ্বানৰ কথা উল্লেখ কৰে।
দেশৰ সকলো উচ্চ শিক্ষা প্ৰতিষ্ঠানক ২৮ ফেব্ৰুৱাৰীৰ পৰা ৬ মাৰ্চলৈ তেওঁলোকৰ চৌহদসমূহত ব্যাপক ভোটাৰ সজাগতামূলক কাৰ্যক্ৰম অনুষ্ঠিত কৰিবলৈ নিৰ্দেশ দিছে বুলি তেওঁ জানিবলৈ দিয়ে। এই কাৰ্যক্ৰমত যুৱ শক্তিক উৎসাহিত কৰিবলৈ, তেওঁলোকক ভোটদানৰ গুৰুত্ব উপলব্ধি কৰিবলৈ, সকলো দিশ চালি জাৰি চাই বাছনি কৰিবলৈ আৰু অধিক প্ৰতিনিধিত্বমূলক গণতন্ত্ৰৰ বাবে নিৰ্বাচনী প্ৰক্ৰিয়াত অংশগ্ৰহণ কৰিবলৈ প্ৰবুদ্ধ কৰাৰ প্ৰয়াস কৰা হ’ব।
The upcoming 18th Lok Sabha elections is going to be special, particularly for our youth who are turning 18. It will bring them an opportunity to make their voices heard as well as shape today’s and tomorrow’s politics.
Hon. PM @narendramodi ji has given a clarion call to our… https://t.co/j6XI45Mtvd pic.twitter.com/pPkTQy70Ao
— Dharmendra Pradhan (मोदी का परिवार) (@dpradhanbjp) February 27, 2024
এই উদ্যোগৰ মুখ্য উদ্দেশ্য হৈছে যুৱ ভোটাৰসকলক ওলাই আহি ভোট দিবলৈ আহ্বান জনোৱা আৰু দেশৰ বৃহত্তৰ কল্যাণৰ বাবে ভোটদানৰ গুৰুত্ব অৱগত কৰা। এই পদক্ষেপে নিৰ্বাচনৰ গুৰুত্ব আৰু বিশ্বৰ সৰ্ববৃহৎ গণতন্ত্ৰিক দেশখনত ভোটদানৰ গৌৰৱকে প্ৰতীয়মান কৰিছে।
সমগ্ৰ দেশৰ উচ্চ শিক্ষানুষ্ঠানসমূহে এই উদ্যোগত অংশগ্ৰহণ কৰিব। বিশ্ববিদ্যালয়/ মহাবিদ্যালয়/ উচ্চ শিক্ষাৰ প্ৰতিষ্ঠানসমূহ-ত নিৰ্ধাৰিত স্থান চিনাক্ত কৰা হ’ব য’ত সংশ্লিষ্ট প্ৰতিষ্ঠানৰ দ্বাৰা ভোটাৰ সজাগতা সম্পৰ্কীয় কাৰ্যকলাপ হাতত লোৱা হ’ব। এই উদ্যোগৰ অধীনত ‘মাইগভ প্লেটফৰ্ম’ত ব্যৱহাৰিক কাৰ্যক্ৰম আৰু ‘অনলাইন’ প্ৰতিযোগিতাও অনুষ্ঠিত কৰিব। সমল সৃষ্টিত তেওঁলোকৰ সৃষ্টিশীলতা প্ৰদৰ্শিত কৰিব পৰাকৈ ‘ব্লগ’ লিখনি, ‘পডকাষ্ট’, বিতৰ্ক, প্ৰবন্ধ লিখন, কুইজ, আকস্মিক বক্তৃতা, ‘বেটেল অব বেণ্ডছ’ আদি প্ৰতিযোগিতাকে ধৰি বিভিন্ন কাৰ্যসূচী অনুষ্ঠিত কৰা হ’ব।
ভোটদানৰ গুৰুত্ব, নিৰ্বাচনী প্ৰক্ৰিয়া সম্পৰ্কে অৱগত হোৱাত গুৰুত্ব আৰোপ কৰি বাৰ্তালাপমূলক কৰ্মশালা আৰু আলোচনাচক্ৰসমূহো প্ৰতিষ্ঠানসমূহত আয়োজন কৰা হ’ব। তদুপৰি, এই প্ৰচাৰে যুৱসকলক নিৰ্বাচনী প্ৰক্ৰিয়াৰ প্ৰতি তেওঁলোকৰ প্ৰতিশ্ৰুতিবদ্ধতা অধিক দৃঢ় কৰিবলৈ https://ecisveep.nic.in/pledge/ বিভাগীয় ৱে’বছাইটত ভোটাৰৰ সন্মতি ল’বলৈ উৎসাহিত কৰিব। তেওঁলোকক ‘ভোটাৰ হেল্পলাইন এপ’ ডাউনলোড কৰিবলৈও উৎসাহিত কৰা হ’ব।
ব্যাপক প্ৰসাৰৰ বাবে ‘মাই গভ’ পৰ্টেলত নথিভুক্ত কাৰ্যকলাপৰ জৰিয়তে ‘এনএছএছ’ আৰু ইয়াৰ স্বেচ্ছাসেৱকসকলে শিক্ষানুষ্ঠানসমূহত কাৰ্যসূচীটোৰ নেতৃত্ব দিব। শিক্ষানুষ্ঠানৰ ক্লাবসমূহেও এই অভিযানত অংশগ্ৰহণ কৰিব।
