মুখ্যমন্ত্ৰীৰ বিৰুদ্ধে সাংসদৰ গোচৰ

মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে বুধবাৰে দিছপুৰ থানাত গোচৰ তৰিলে কংগ্ৰেছী সাংসদ আব্দুল খালেকে। প্ৰায় ২ পৃষ্ঠাৰ এজাহাৰ দাখিল কৰে মুখ্যমন্ত্ৰীগৰাকীৰ বিৰুদ্ধে। সাংসদ খালেকৰ মতে, মুখ্যমন্ত্ৰীয়ে ভংগ কৰিছে ভাৰতীয় দণ্ডবিধি আইনৰ 153, IPC 153 (A) ধাৰা ভংগ। যোৱা ১০ ডিচেম্বৰত মুখ্যমন্ত্ৰীয়ে কৰা এটা মন্তব্যৰ ভিত্তিত আব্দুল খালেকে গোচৰ তৰা বুলি জানিবলৈ দিছে। সাংসদ খালেকে কয় যে, “সংবিধানৰ নামত শপত খাই মুখ্যমন্ত্ৰী হোৱা হিমন্ত বিশ্ব শৰ্মাই ‘বাংলাদেশী মুছলমান” বুলি কৈ সংখ্যালঘু লোকক উপলুঙা কৰিছে। ১০ ডিচেম্বৰত গৰুখুটি সম্পৰ্কত মুখ্যমন্ত্ৰীয়ে কৰা মন্তব্য অতি দুৰ্ভাগ্যজনক।”