লাডাখৰ সমাজ সংস্কাৰক সোণম ৱাংচুকে আজিৰে পৰা পাঁচ দিনলৈ অনশন ধৰ্মঘট কৰিব। মাইনাছ ৪০ ডিগ্ৰী চেলছিয়াছ তাপমানৰ পৰিৱেশত খাৰ্ডুংলা অঞ্চলত তেওঁ এই অনশনত বহিব উল্লেখ্য যে, বলিউদৰ হিট ছবি ‘থ্ৰী ইডিয়টছ’ৰ প্ৰধান চৰিত্ৰৰ অনুপ্ৰেৰণা আছিল সোণম ৱাংচুক।
প্ৰধানমন্ত্ৰীলৈ আহ্বান জনাই ৱাংচুকে কয় যে লাডাখত হিমবাহৰ বিলুপ্তি অৱধাৰিত হৈ পৰিছে। গতিকে লাডাখক ৰক্ষা নকৰিলে জলবায়ু পৰিৱৰ্তনে ভাৰতৰ লগতে পৃথিৱীৰ বিভিন্ন প্ৰান্তক অস্থিৰ কৰি তুলিব। হিমালয় অঞ্চলক ঔদ্যোগিক ক্ষেত্ৰৰ প্ৰদূষণৰ পৰা ৰক্ষা কৰিবলৈও তেওঁ প্ৰধানমন্ত্ৰীৰ প্ৰতি আহ্বান জনায়।
লাডাখত এজন ব্যক্তিৰ বাবে দৈনিক ৫ লিটাৰ পানীৰ প্ৰয়োজন হয় আৰু যদি এনেদৰে অঞ্চলটোত উদ্যোগসমূহেও পানীৰ অপচয় কৰে তেন্তে সকলো হিমবাহ নোহোৱা হৈ যাব। যোৱা দেওবাৰে নিশা তিব্বতৰ ১১,৫০০ ফুট উচ্চতাৰ ফায়াং অঞ্চলৰ হিমবাহ কিদৰে গলি যাবলৈ ধৰিছে তাৰেই প্ৰমাণ দি এটি ভিডিঅ’ বাৰ্তাও প্ৰচাৰ কৰিছিল।