সমাগত পৌৰসভা নিৰ্বাচন’২০২২। হোজাই জিলাস্থিত ৪ টা পৌৰসভা ক্ৰমে হোজাই, লংকা, লামডিং আৰু ডবকা পৌৰসভাৰ নিৰ্বাচন সুকলমে অনুষ্ঠিত কৰাৰ উদ্দেশ্যে হোজাই জিলা প্ৰশাসনে অসম ৰাজ্যিক নিৰ্বাচন আয়োগৰ নীতি নিৰ্দেশনা মৰ্মে যাৱতীয় কার্যব্যৱস্থা গ্ৰহণ কৰিছে।
তদুপলক্ষে হোজাই জিলা প্ৰশাসনৰ উদ্যোগত নীলবাগান মডেল উচ্চতৰ মাধ্যমিক বিদ্যালয়ত কালিৰে পৰা তিনিদিনীয়া কাৰ্যসূচীৰে শিক্ষকসকলকৰ উপস্থিতিত হোজাই জিলাৰ অতিৰিক্ত উপায়ুক্ত উৰ্মি মেধিৰ নেতৃত্বত প্ৰশিক্ষন শিবিৰ আৰম্ভ হৈছে। উল্লেখ্য যে, এই তিনিদিনত পৌৰসভা নিৰ্বাচন সন্দৰ্ভত পুলিং বিষয়াসকলক ভোটিং মেচিনৰ লগতে পুলিং সম্পৰ্কীয় সকলো ধৰণৰ প্ৰশিক্ষণ দিয়া হব।
