ৰাছিয়া-ইউক্ৰেইনৰ যুদ্ধৰ মাজতেই লাখ লাখ ইউক্ৰেইনৰ নাগৰিকে দেশ এৰি পলায়ন কৰিছে। সংযুক্ত ৰাষ্ট্ৰই জাৰি কৰা তথ্য অনুসৰি ১২ দিনত প্ৰায় ১২ লাখ ইউক্ৰেইনৰ নাগৰিকে দেশ এৰি অন্য দেশলৈ পলায়ন কৰিছে।
সংযুক্ত ৰাষ্ট্ৰ শৰণাৰ্থী এজেঞ্চী (UNHCR)য়ে জাৰি কৰা অনুসৰি ২০,১১,৩১২ লোকে এৰিছে ইউক্ৰেইন।
UNHCR ৰ প্ৰমুখ ফিলিপো গ্ৰাণ্ডীয়ে এই কথাক আশ্চাৰ্য প্ৰকাশ কৰি কয় যে, এই বৃহ সংখ্যাৰ আঁৰত আছে ২০ লাখ লোকৰ পৰিয়ালৰ পৰা বিচ্ছিন্নতা, শোক, কষ্ট আৰু ক্ষোভৰ কাহিনী। তেওঁ কয় যে, এই নিৰ্মম যুদ্ধই পৰিয়ালবোৰক আপোনজনৰ পৰা আঁতৰাই পেলাইছে আৰু হতাশা আৰু অকল্পনীয় কষ্টলৈ ঠেলি পঠাইছে।
তথ্য অনুসৰি অধিকাংশ ইউক্ৰেইনৰ নাগৰিক পোলেণ্ডলৈ যোৱাৰ লগতে একাংশই ৰোমানিয়া, হাংগেৰি আদি দেশসমূহলৈ গৈছে। উল্লেখ্য যে, এতিয়াও অব্যাহত আছে ৰাছিয়া-ইউক্ৰেইনৰ মাজত যুদ্ধ। ধ্বংসস্তুপত পৰিণত হোৱা ইউক্ৰেইনে পিছলৈ কেনেদৰে মোকাবিলা কৰিব সেয়া হ’ব লক্ষণীয়।
