পশ্চিম গুৱাহাটী সমষ্টিৰ ৰানী মৈৰাপুৰৰ মাজপাৰাত ৰাভা হাচং স্বায়ত্ব শাসিত পৰিষদৰ ২০২২ – ২৩ বিত্তীয় বৰ্ষৰ ৭,৯২,২২১ টকাৰ অনুদানেৰে নিৰ্মাণ কৰা মাজপাৰ পাটগাওঁ জোনাকি মহিলা সমিতিৰ নবনিৰ্মিত গৃহটো ৰবিবাৰে উদ্ধোধন কৰা হয়। মাংগলিক কাৰ্যৰ মাজেৰে গৃহটো মুকলি কৰে ৰাভা হাচং স্বায়ত্ব শাসিত পৰিষদৰ ৩৫ নং শিলপুটা সমষ্টিৰ কাৰ্যবাহী সদস্য ৰশ্মি ৰাভাই।
একেটা অনুষ্ঠানতে ৫ লাখ টকা ব্যয়ৰে নিৰ্মাণ কৰা মৈৰাপুৰ হাগাচুং ৰাজহুৱা শ্মশানখনো মুকলি কৰে ৰশ্মি ৰাভাই। অনুষ্ঠানত ৰাভা হাচং স্বায়ত্ব শাসিত সমিতিৰ কেন্দ্রীয় সদস্য সত্য ৰাভাকে ধৰি শিলপুটা সমষ্টিৰ বিষয়ববীয়া আৰু বিজেপি কৰ্মী, দক্ষিণ ভোলাগাও গাওঁ পঞ্চয়তৰ কেবাজনো বিষয়ববীয়া, জোনাকি মহিলা সমিতিৰ বিষয়ববীয়া সকল উপস্থিত থাকে।
