অহা ১৪ মাৰ্চৰ পৰা ১৭ মাৰ্চলৈ কুৰুক্ষেত্ৰ বিশ্ববিদ্যালয়ত অনুষ্ঠিত হ’বলগীয়া সদৌ ভাৰত আন্তঃবিশ্ববিদ্যালয় কাৰাটে (পুৰুষ-মহিলা) চেম্পিয়নশ্বিপত অংশগ্ৰহণৰ বাবে গুৱাহাটী বিশ্ববিদ্যালয়ৰ নিৰ্বাচিত ১১ জনীয়া দলটো ইতিমধ্যে হাৰিয়ানাৰ কুৰুক্ষেত্ৰ বিশ্ববিদ্যালয় অভিমুখে ৰাওনা হয়।
গুৱাহাটী বিশ্ববিদ্যালয়ৰ ছাত্র-কল্যাণ সঞ্চালক ডঃ ৰঞ্জন কুমাৰ কাকতিয়ে জানিবলৈ দিয়া মতে কাবুল দাস আৰু ভাগ্যশ্ৰী শইকীয়াৰ নেতৃত্বত যোৱা কাৰাটে দলটোত আছে ক্ৰমে চান্দনী জৈন, হিমাংশু চহৰীয়া, ভৃগু চহৰীয়া, ৰাহুল আমিন, চানী শৰ্মা, প্ৰাচুৰ্য গগৈ, চফিকুল ৰহমান, মাছুমা বেগম, নৱজ্যোতি মেচ, ৰজীৰাণী শইকীয়া আৰু জোনমণি দাস।
