মহেন্দ্ৰ সিং ধোনীক আগন্তুক IPLত এক নতুন ৰূপত দেখিবলৈ পোৱা যাব। মন কৰিবলগীয়া যে, ভাৰতীয় ক্ৰিকেটাৰগৰাকীয়ে তেওঁৰ ক্ৰিকেট কেৰিয়াৰত বাৰে বাৰে হেয়াৰ ষ্টাইল সলনি কৰা দেখা গৈছে। বিশ্বকাপ বিজয়ী ভাৰতীয় অধিনায়কগৰাকীৰ হেয়াৰ ষ্টাইলক লৈ কৌতুহলৰো অন্ত নাই অনুৰাগীৰ। সেইবাবে এইবাৰো আলোচনাৰ কেন্দ্ৰবিন্দু হৈ পৰিছে ধোনী।
IPL সম্প্ৰচাৰক চেনেলটোৱে ধোনীক হৈ চলাইছে প্ৰচাৰ। IPLৰ প্ৰচাৰৰ বাবে চেন্নাই ছুপাৰ কিংছৰ অধিনায়কক লৈ প্ৰ’ম’ নিৰ্মাণ কৰা হৈছে। তাকে লৈ এতিয়া ধোনী অনুৰাগীসকলৰ মনত কৌতুহল।
উল্লেখ্য যে, টি ভি চেনেলৰ প্ৰ’ম’ত ধুনীয়া ডাঠ গোঁফৰ সৈতে সম্পূৰ্ণ নতুন ৰূপত ধোনীক দেখা গৈছে। ক্ৰিকেট এৰিনাতো বিষয়টো চৰ্চিত হৈ পৰিছে। টুইটাৰত প্ৰ’ম’ৰ ট্ৰিজাৰ পোষ্ট কৰিছে IPL সম্প্ৰচাৰকাৰী চেনেলটোৱে। যিটো ইতিমধ্যে ভাইৰেল হৈ পৰিছে। ধোনীৰ নেতৃত্বত চেন্নাইয়ে চাৰিবাৰ চেম্পিয়ন হৈছে। স্বাভাৱিকতে, প্ৰতিবাৰে IPLত ধোনীক লৈ থাকে অনন্ত উত্সাহ, উদ্দীপনা। এইবাৰ IPLত ছানৰাইজাৰ্ছ হায়দৰাবাদ, ৰয়েল চেলেঞ্জাৰ্ছ বাংগালোৰ, পঞ্জাৱ কিংছ আৰু গুজৰাট টাইটানছৰ সৈতে গ্ৰুপ -বি ত আছে ধোনীৰ চেন্নাই।
