গুৱাহাটী ক্ৰীড়া সন্থাই অহা ২৪ জানুৱাৰীৰ পৰা ২৭ জানুৱাৰীলৈ আয়োজন কৰিছে প্ৰথম সদৌ গুৱাহাটী জিলা নলিনীবালা দেৱী আন্তঃ শিক্ষানুষ্ঠান বেডমিণ্টন চেম্পিয়নশ্বিপ আৰু কনকলতা সিন্হা মুকলি বেডমিণ্টন টুৰ্নামেণ্ট। আৰ জি বৰুৱা স্প’ৰ্টছ কমপ্লেক্সত থকা ডিটিআৰপি ইনড’ৰ ষ্টেডিয়ামত অনুষ্ঠিত হ’ব লগা এই প্ৰতিযোগিতাৰ বাবে আগ্ৰহী শিক্ষানুষ্ঠানসমূহক বেডমিণ্টন সম্পাদক দীপক পাটোৱাৰী বা সহকাৰী বেডমিণ্টন সম্পাদক অনল কান্তি সিন্হাৰ হাতত ১২ জানুৱাৰীৰ পূৰ্বে প্ৰৱেশ মাচুল জমা দি যোগদান নিশ্চিত কৰিবলৈ অনুৰোধ জনোৱা হৈছে৷ সন্থাৰ স্বীকৃতিপ্ৰাপ্ত শিক্ষানুষ্ঠানৰ বাবে প্ৰৱেশ মাচুল ৩০০০টকা আৰু অস্বীকৃতিপ্ৰাপ্তৰ বাবে ৫০০০ টকা। মুকলি বেডমিণ্টনৰ ছিংগল ইভেণ্টৰ বাবে প্ৰৱেশ মূল্য ৫০০ টকা আৰু ডাবল্ছ ইভেণ্টৰ বাবে ১০০০টকা। এই প্ৰতিযোগিতা মিনিৰপৰা জুনিয়ৰ পৰ্যায়লৈ হ’ব। অধিক তথ্যৰ বাবে সহকাৰী বেডমিণ্টন সম্পাদক অনল কান্তি সিন্হাক ৬০০০৬৩৫৬১৪ নম্বৰত যোগাযোগ কৰিবলৈ কোৱা হৈছে ৷
