এছিয়ান কাপৰ যোগ্যতা নিৰ্ণায়ক পৰ্বৰ প্ৰস্তুতিৰূপে জৰ্দানৰ বিপক্ষে খেলা প্ৰীতি মেচখনৰ ফলাফল ভাৰতৰ বাবে সুখকৰ নহ’ল৷ মেচখনৰ শেষ মুহূৰ্তত দিয়া গ’লৰ সহায়ত জৰ্দান দলটো ২-০ গলত বিজয়ী হয়৷ ৭৪ মিনিটলৈ মেচখনত কোনো এটা দলেই গল দিব পৰা নাছিল৷ ভাৰতীয় দলৰ দুৰ্বলতা মেচখনত চকুত লগাকৈ ধৰা পৰে৷
মেচখনত জৰ্দানে ১৪টা শ্বট লোৱাৰ বিপৰীতে ভাৰতে মাত্ৰ দুটা শ্বট লবলৈ সক্ষম হয়৷ প্ৰায় ছমাহৰ পাছত দললৈ প্ৰত্যাৱৰ্তন ঘটোৱা সুনীল চেত্ৰীয়েও ভাৰতক বিশেষ সহায় কৰিব নোৱাৰিলে৷
