গুজৰাটত অনুষ্ঠিত হৈ থকা ৩৬ সংখ্যক ৰাষ্ট্ৰীয় ক্ৰীড়া প্ৰতিযোগিতাত স্বৰ্ণ পদক জয় কৰিলে উত্তৰ পূৰ্বাঞ্চলক বিশ্ব ক্ৰীড়াৰ মঞ্চত প্ৰতিষ্ঠা কৰা অন্যতম জনপ্ৰিয় ক্ৰীড়াবিদ মীৰাবাই চানুৱে।
প্ৰতিযোগিতাখনত শুকুৰবাৰে অনুষ্ঠিত মহিলাৰ ৪৯ কিলোগ্ৰাম শাখাৰ ভাৰত্তোলন প্ৰতিযোগিতাত সোণৰ পদক লাভ কৰিবলৈ সক্ষম হৈছে মীৰাবাই চানুৱে। টকিঅ’ অলিম্পিকত ৰূপৰ পদক আৰু বাৰ্মিংহাম কমনৱেলথ গেমছত স্বৰ্ণ পদক জয় কৰি দেশলৈ গৌৰৱ কঢ়িয়াই আনিছিল চানুৱে।
ৰাষ্ট্ৰীয় ক্ৰীড়াত মণিপুৰক প্ৰতিনিধিত্ব কৰাটো মোৰ বাবে এক গৌৰৱৰ মুহূৰ্ত আৰু উদ্বোধনী অনুষ্ঠানত মোক দলটোক নেতৃত্ব দিবলৈ কোৱাত আনন্দ দুগুণ হৈ যায়, এই দৰেই নিজৰ উল্লাস প্ৰকাশ কৰে মীৰাবাই চানুৱে।