আজাৰা ৰাজহ চক্ৰৰ অন্তৰ্গত আগচিয়াৰ পলাশবাৰী আঞ্চলিক হাইস্কুলত অলপতে কাৰ্যসূচীৰে অনুষ্ঠিত হয় কামৰূপ জিলা ভিত্তিত কাৰাটে প্ৰতিযোগিতা। প্ৰতিযোগিতাত লংকেশ্বৰ কাৰাটে গীল্ডৰ দহগৰাকী প্ৰতিযোগীয়ে অংশগ্ৰহণ কৰি সাতটাকৈ পদক লাভ কৰি সাফল্য লাভ কৰিবলৈ সক্ষম হয়।
ইয়াৰে ভিতৰত দুৰ্লভ কান্তি কলিতাই ৰূপ আৰু ব্ৰণ্জ, উপাস্যা কাশ্যপ,অৰিশ্মা চৌধুৰী, কৃষ্ণাঙ্গী দাস, নেহা কেওট আৰু মৌচুমী দাসে ব্ৰণ্জৰ পদক লাভ কৰিবলৈ সক্ষম হয়। কামৰূপ জিলা কাৰাটে এচোচিয়েচনৰ সাধাৰণ সম্পাদক ৰূপক ৰাজবংশীয়ে জানিবলৈ দিয়া মতে প্ৰতিযোগিতাত কামৰূপ জিলাৰ ভিন্ন প্ৰান্তৰ ৩৩০ গৰাকী প্ৰতিযোগীয়ে অংশগ্ৰহণ কৰিছিল।
