শ্ৰীলংকাৰ খেলুৱৈ এঞ্জেলো মেথিউজক এটা সুন্দৰ ইনিংছৰ বাবে আইচিচিয়ে প্লেয়াৰ অফ দা মান্থ (ICC Player of the Month) ঘোষিত কৰিছে। তেওঁ এই পুৰস্কাৰ লাভ কৰা প্ৰথমগৰাকী শ্ৰীলংকাৰ খেলুৱৈ। তেওঁ নিজৰ দেশৰ অচিতা ফাৰ্নাণ্ডো আৰু বাংলাদেশৰ মুশফিকৰ ৰহিমক অতিক্ৰম কৰি এই সন্মান লাভ কৰিছে। বাংলাদেশৰ বিৰুদ্ধে ২ খন খেলৰ শৃংখলাত ৩৪৪ ৰাণ সংগ্ৰহ কৰি মেথিউছ সৰ্বাধিক সংগ্ৰহকাৰী আছিল। এই সময়ছোৱাত, তেওঁ ২ টা শতক অৰ্জন কৰিছিল আৰু ১৯৯ৰাণৰ এটা ইনিংছ খেলিছিল। মহিলা শ্ৰেণীত পাকিস্তানৰ লেগ স্পিনাৰ টুবা হাছানে এই বঁটা লাভ কৰে।
শ্ৰীলংকাৰ জ্যেষ্ঠ খেলুৱৈ এঞ্জেলো মেথিউছে চিটাগঙত খেলা প্ৰথমখন টেষ্টত ১৯৯ ৰাণ সংগ্ৰহ কৰিছিল। একে সময়তে, মিৰপুৰত অনুষ্ঠিত দ্বিতীয় টেষ্টত তেওঁ ১৪৫ ৰাণৰ এক সুন্দৰ ইনিংছ খেলিছিল। নিজাববীয়াকৈ শ্ৰীলংকাই শৃংখলাটো দখল কৰিছিল আৰু বিশ্ব টেষ্ট চেম্পিয়নশ্বিপ তালিকাৰ চাৰি নম্বৰ স্থান লাভ পৰিছিল। তেওঁ বেটিং ৰেংকিঙত ১৫ টা স্থান ওপৰলৈ গৈছিল।
