ইউনিফাইড কাৰাটে এচ’ছিয়েশ্বনৰ উদ্যোগত অলপতে অনুষ্ঠিত হোৱা মালীগাঁও নেতাজী বিদ্যাপীঠত দশম সংখ্যক ৰাজ্যিক যুৱ কাৰাটে চেম্পিয়ন শ্বিপত দক্ষিণ কামৰূপৰ মিৰ্জা নৰ্থ ইষ্ট স্পৰ্টচ্ একাডেমীয়ে সাফল্য অৰ্জন কৰিবলৈ সক্ষম হৈছে। নৰ্থ ইষ্ট স্পৰ্টচ্ একাডেমীৰ প্ৰশিক্ষক মনোজ শৰ্মাৰ তত্বাৱধানত প্ৰশিক্ষণ গ্ৰহণ কৰি উক্ত খেলত চাব জুনিয়ৰ শাখাত ১০ ৰ পৰা ১১ বছৰ বয়সৰ ৩০ কেজি শাখাৰ হৃষিকেষ কুমাৰে ব্ৰজৰ পদক লাভ কৰি অঞ্চলটোলৈ গৌৰৱ কঢ়িয়াই আনিছে।
উক্ত খেলত বিভিন্ন প্ৰান্তৰ পাঁচ শতাধিক খেলুৱৈ অংশ গ্ৰহণ কৰে। তিনিদিনীয়াকৈ অনুষ্ঠিত হোৱা ৰাজ্যিক যুৱ কাৰাটে চেম্পিয়নশ্বিপত বিশিষ্ট ব্যক্তি হিচাপে ইউনিফাইড কাৰাটে এচ’ছিয়েশ্বনৰ কাৰ্যকৰী সভাপতি শ্বৰ্মিলা ডেকা, সাধাৰণ সম্পাদক নগেন মণ্ডল আদিকে ধৰি কেইবাজনো ব্যক্তি উপস্থিত থাকে।
