যোৰহাট জিলাৰ টীয়ক শাখা সাহিত্য সভাৰ সহযোগত মঙলবাৰে বিয়লি টীয়কৰ মা বিবাহ ভৱনত এক গাম্ভীৰ্যপূৰ্ণ পৰিবেশত কাকজান মহাবিদ্যালয়ৰ ইংৰাজী বিভাগৰ মুৰব্বী অধ্যাপক ড° পংকজ গোস্বামীৰ দুখনকৈ গ্ৰন্থ উন্মোচন কৰা হয়।
যোৰহাটৰ বেদকন্ঠ প্ৰকাশনে প্ৰকাশ কৰা “ৰাতি পুৱাব কিন্তু কেতিয়া”, গ্ৰন্থখন উন্মোচন কৰে বিশিষ্ট সাংবাদিক শাংকৱ কৌশিক বৰুৱাই আৰু আৰু গুৱাহাটীৰ বান্ধৱ প্ৰকাশনে প্ৰকাশ কৰা ভ্ৰাম্যমাণ থিয়েটাৰ নামৰ গ্ৰন্থ উন্মোচন কৰে জনপ্ৰিয় অভিনেতা প্ৰস্তুতি পৰাশৰে।
অসম সাহিত্য সভাৰ টীয়ক শাখাৰ সভাপতি হেমচন্দ্ৰ হাজৰিকাৰ সভাপতিত্ব অনুস্থিত এই সভাত কাকজান মহাবিদ্যালয়ৰ অধ্যক্ষ ড° ৰূপৰেখা বৰদলৈ,বিশিষ্ট সাংবাদিক শাঙ্কৱ কৌশিক বৰুৱা,বিশিষ্ট সংগীত পৰিচালক জয়ন্ত নাথ,বিশিষ্ট উপন্যাসিক ইন্দ্ৰাণী শৰ্মা ,প্ৰাক্তন উপায়ুক্ত অজিত বৰা, জেষ্ঠ চিকিৎসক ডা: মুখেশ্বৰ বৰাকে প্ৰমুখ্য কৰি ভালেসংখ্যক গণ্য মান্য ব্যক্তি উপস্থিত থাকে।
