অসম ৰাইফলছ জোৱানৰ গুলীচালনাত দুজন যুৱক আহত হয়। এই শোকাৱহ ঘটনা সংঘটিত হয় অৰুণাচল প্ৰদেশৰ তিৰাপ জিলাত ।
জানিব পৰা মতে, তিৰাপ জিলাৰ চাচা গাঁৱৰ এটা যুৱকৰ দলে মাছ ধৰি ঘৰলৈ উভতি আহি থকা সময়তে অসম ৰাইফলছৰ জোৱানে যুৱকসকলক সন্ত্ৰাসবাদী বুলি সন্দেহ কৰি গুলীচালনা কৰে। যুৱকৰ দলটোক চিকিৎসালয়ত ভৰ্তি কৰোৱা হৈছে। অৱশ্যে, অসম ৰাইফলছে যুৱক-যুৱতীসকলৰ চিকিৎসাৰ দায়িত্ব গ্ৰহণ কৰিছে বুলি জানিব পৰা গৈছে।
অসম ৰাইফলছে লগতে আশ্বাস দিছে যে যুৱকসকলক উন্নত চিকিৎসাৰ বাবে বিমানেৰে যোৰহাটলৈ লৈ যোৱা হ’ব। তেওঁলোকে যুৱকসকলক বিত্তীয় অনুদানৰ কথাও ঘোষণা কৰিছে। আনফালে, অসম ৰাইফলছৰ এজন জ্যেষ্ঠ পদবীৰ বিষয়াইও স্বীকাৰ কৰে যে ঘটনাটো তেওঁলোকৰ ভুলৰ বাবে সংঘটিত হৈছিল।
