কংগ্ৰেছ দলৰ পৰা নিলম্বন কৰা হৈছে দলটোৰ জ্যেষ্ঠ নেতা তথা প্ৰাক্তন মন্ত্ৰী নীলমণিসেন ডেকাক ৷ প্ৰদেশ কংগ্ৰেছৰ সভাপতি ভূপেন বৰাই বৃহস্পতিবাৰে জাৰি কৰা এক নিৰ্দেশত তেওঁক দলৰ পৰা নিলম্বন কৰা হৈছে বুলি ঘোষণা কৰি কয় যে, বিগত সময়চোৱাত ধাৰাবাহিকভাৱে তেওঁ বিভিন্ন মঞ্চত দলবিৰোধী মন্তব্য কৰি আহিছিল ৷
একাধিকবাৰ তেওঁক এনে কামৰ পৰা বিৰত থাকিবলৈ সকীয়াই দিয়া হৈছিল যদিও প্ৰাক্তন মন্ত্ৰীগৰাকীয়ে বাৰম্বাৰ একেটা কামকে কৰি গৈছিল ৷ সেইবাবেই দলবিৰোধী কাৰ্যকলাপত লিপ্ত থকাৰ অভিযোগত তাৎক্ষণিকভাৱে কাৰ্যকৰী হোৱাকৈ তেওঁক আজি দলৰ পৰা নিলম্বন কৰা হয় বুলি নিৰ্দেশটোত কোৱা হৈছে ৷
