দেওবাৰে অনুষ্ঠিত হৈছিল অসম আৰক্ষীৰ উপ-পৰিদৰ্শকৰ লিখিত পৰীক্ষা ৷ পৰৱৰ্তী সময়ত ভাইৰেল হৈ পৰে পৰীক্ষাৰ প্ৰশ্নকাকত ৷
তাৎপৰ্যপূৰ্ণ যে, পৰীক্ষা হলৰ পৰা বাহিৰলৈ প্ৰশ্নকাকত নিয়াত আৰোপ কৰা হৈছিল বাধা ৷ এই ঘটনা সন্দৰ্ভত জড়িতৰ সন্দেহত কামপুৰ আৰক্ষীয়ে আটক কৰিছে এজন যুৱকক ৷ কামপুৰ আৰক্ষীয়ে আটক কৰা যুৱকজন চাংচকীৰ পিণ্টু গোঁহাই বুলি জানিব পৰা গৈছে ৷
উল্লেখ্য যে, আৰক্ষীয়ে যুৱকজনক আটক কৰাৰ পাছত প্ৰশ্নকাকত ফাদিল সম্পৰ্কে অব্যাহত ৰাখিছে সোধ-পোচ ৷ সোধ-পোচৰ অন্তত যুৱকজনে মালিগাঁৱৰ ললিত চন্দ্ৰ ভড়ালী মহাবিদ্যালয়ৰ পৰা অসম আৰক্ষীৰ উপ-পৰিদৰ্শকৰ প্ৰশ্নকাকত সামাজিক মাধ্যমত ভাইৰেল কৰিছিল বুলি সদৰি কৰে ৷ বৰ্তমান কামপুৰ আৰক্ষীৰ জিম্মাত আছে যুৱকজন ৷
