জীৱশ্ৰেষ্ঠ মানৱৰ নিকৃষ্ট মানসিকতা। নলবাৰীত পোহৰলৈ আহিছে এক ভয়ংকৰ ঘটনা ৷ মঙলবাৰে নিশা জিলাখনৰ ঘগ্ৰাপাৰত উদ্ধাৰ হয় এটি নৱজাতকৰ মৃতদেহ ৷ এটা পুখুৰীত ওপঙি থকা অৱস্থাত উদ্ধাৰ কৰা হয় অৰ্ধগলিত নৱজাতকৰ মৃতদেহটো ।
এই ঘটনাক কেন্দ্ৰ কৰি অঞ্চলটোত চাঞ্চল্যৰ সৃষ্টি হয় ৷ তথ্য অনুসৰি, প্ৰথমে স্থানীয় ৰাইজে পানীত ওপঙি থকা অৱস্থাত প্ৰত্যক্ষ কৰে নৱজাতকৰ মৃতদেহটো ৷ তাৰ পাচতেই খবৰ দিয়া হয় আৰক্ষীক ৷
খবৰ পোৱাৰ মাত্ৰেই ঘটনাস্থলীত উপস্থিত হয় ঘগ্ৰাপাৰ আৰক্ষীৰ এটা দল ৷ তাৰ পাচতেই আৰক্ষীৰ দলটোৱে উদ্ধাৰ কৰে নৱজাতকটিৰ মৃতদেহটো ৷উল্লেখ্য যে, বাতৰি যুগুত কৰা পৰলৈকে নৱজাতকটিৰ মৃতদেহটো কোনে, কি কাৰণত পেলাই থৈ গ’ল,সেয়া স্পষ্ট হোৱা নাই । ইফালে আৰক্ষীয়েও এই ঘটনা সন্দৰ্ভত ইতিমধ্যে আৰম্ভ কৰিছে তদন্ত ৷ এই ঘটনাক কেন্দ্ৰ কৰি অঞ্চলটোত এক তীব্ৰ চাঞ্চল্যই বিৰাজ কৰে ৷
