শেহতীয়াকৈ অভিনেত্ৰী মাধুৰী দীক্ষিতৰ এক ফটোশ্বুটে অনুৰাগীৰ দৃষ্টি আকৰ্ষন কৰা দেখা গৈছে । ৰঙা ছিল্ক পোছাকৰ সৈতে তোলা হৈছে এই ফটো ৷ মোহময়ী অভিনেত্ৰী মাধুৰী দীক্ষিতে তেওঁৰ অভিনয় আৰু যাদুকৰী নৃত্যৰে সকলোকে আকৰ্ষন কৰি আহিছে । সকলোৰে মুখে মুখে সজীৱ হৈ থকা ‘এক, দো,তিন গীতত তেওঁ কৰা নৃত্যই বৰ্তমানো সকলোৰে মনত সজীৱ হৈ আছে । নিজ নৃত্যশৈলীৰে অনুৰাগীৰ মন জয় কৰা ৫৪ বছৰীয়া মাধুৰীৰ সৌন্দৰ্যত এতিয়াও মুগ্ধ হয় সহস্ৰজন ৷
প্ৰায় চাৰি দশকৰ বৰ্ণিল কেৰিয়াৰত তেওঁ উপহাৰ দিছে বহু জনপ্ৰিয় ছবি।অভিনয়ৰ জগতৰ পৰা বিৰতি লৈছিল অভিনেত্ৰীগৰাকীয়ে ৷ খবৰ অনুসৰি, সহস্ৰজন অনুৰাগীৰ বাবেই পুনৰ অভিনয়লৈ উভতি আহিছে অভিনেত্ৰীগৰাকী। বাব্লী গাৰ্ল মাধুৰী দীক্ষিতে শেহতীয়া ৱেব ছিৰিজত আত্মপ্ৰকাশ কৰিছে।
প্ৰায় চাৰি দশকজোৰা বৰ্তি থকা তেওঁৰ কেৰিয়াৰত বহু জনপ্ৰিয় ছবি উপহাৰ দিছে অনুৰাগীক ৷ চলচ্চিত্ৰৰ পাছত, মাধুৰী দীক্ষিতক এতিয়া প্ৰথমবাৰৰ বাবে ষ্ট্ৰীমিং স্পেছত দেখা যাব। অভিনেত্ৰীগৰাকীয়ে নেটফ্লিক্সৰ আহিবলগীয়া থ্ৰিলাৰ ‘দ্য ফেম গেম’ ত অভিনয় কৰিছে বুলি জানিব পৰা গৈছে ৷ য’ত তেওঁ বলীউডৰ ছুপাৰষ্টাৰ অনামিকা আনন্দৰ চৰিত্ৰত অভিনয় কৰিছে ৷
