গুৱাহাটী মহানগৰীৰ বৰ্ণিহাটত প্লাষ্টিকৰ বস্তাৰ কাৰখানাত ভয়ংকৰ অগ্নিকাণ্ডৰ ঘটনা । অগ্নিকাণ্ডত সম্পূৰ্ণৰূপে ভস্মীভূত হৈছে উদ্যোগটো। শুকুৰবাৰে নিশা প্ৰায় ৮:৩০ বজাত সংঘটিত হৈছে এই ঘটনা । সোনাপুৰ আৰক্ষী থানা অঞ্চলৰ অন্তৰ্গত ১৪ মাইল এলেকাত ৬ নং ৰাষ্ট্ৰীয় ঘাইপথৰ কাষত সংঘটিত হয় এই অগ্নিকাণ্ডৰ ঘটনা ।
এই ঘটনাৰ খবৰ পোৱাৰ পিছতেই ঘটনাস্থলীত উপস্থিত হোৱা অগ্নিনিৰ্বাপক বাহিনীৰ দলটোৱে নিৰন্তৰ জুই নিৰ্বাপনৰ চেষ্টা চলাই যদিও ব্যৰ্থ হয় । জানিব পৰা মতে ২৯ খন অগ্নি নিৰ্বাপক গাড়ীয়ে নিৰন্তৰ ভাৱে জুই নুমুৱাবলৈ চেষ্টা চলাই । উল্লেখ্য যে, এই ভয়ংকৰ অগ্নিকাণ্ডৰ ফলত সমগ্ৰ অঞ্চলটোত বিদ্যুৎ যোগান বিচ্ছিন্ন হৈ পৰিছে ।
