বৃহস্পতিবাৰে মৰিগাঁৱত নিশা আৰক্ষীৰ গুলীত আহত হয় এটা কুখ্যাত ড্ৰাগছ ব্যৱসায়ী ৷ মৰিগাঁও আৰক্ষীয়ে বৃহস্পতিবাৰে ড্ৰাগছ সৰবৰাহ কৰাৰ সময়ত আটক কৰিছিল ধৃত ড্ৰাগছ ব্যৱসায়ীটোক৷ ধৃত ড্ৰাগছ ব্যৱসায়ীটোৰ নাম জেহিৰুল ইছলাম বুলি জানিব পৰা গৈছে।
উল্লেখ যে, জেহিৰুল ইছলামে তেওঁৰ এজন সহযোগী আৰু এগৰাকী মহিলাৰ সহযোগত এ. এচ ০২ চিচি ০৯৮৯ নম্বৰৰ টাটা ম’বাইল গাড়ীৰে লাহৰীঘাটৰ পৰা মৈৰাবাৰী অভিমুখে ড্ৰাগছখিনি সৰবৰাহ কৰি আনিছিল ৷ কিন্তু ড্ৰাগছখিনি সৰবৰাহ কৰি অনা সময়তে দাঁতিয়ালবৰী আৰক্ষীৰ জালত পৰে জেহিৰুল ৷ আৰক্ষীয়ে জেহিৰুলৰ পৰা প্ৰায় তিনি কোটি টকা মূল্যৰ প্ৰায় 390 গ্ৰাম ড্ৰাগছ জব্দ কৰে ৷
