পুনৰ নগাঁৱত আৰক্ষীৰ এনকাউণ্টাৰ ৷ আৰক্ষীৰ গুলীচালনাত আহত হৈছে এটা ড্ৰাগছ মাফিয়া ৷
শুকুৰবাৰে ঘটনাৰ বিৱৰণী অনুসৰি, কলিয়াবৰত আটক হৈছিল ৫ কোটি টকা মূল্যৰ ড্ৰাগছসহ এটা মাফিয়া ৷ আটকাধীন ড্ৰাগছ মাফিয়াটো জুৰীয়াৰ মইজুল ইছলাম বুলি জানিব পৰা গৈছে ৷
বৃহৎ পৰিমাণৰ ড্ৰাগছৰ সৈতে আটক কৰা মাফিয়াটোক লৈ আৰক্ষীয়ে অভিযান চলাবলৈ যাওঁতেই গুলীচালনাৰ ঘটনাটো সংঘটিত হয় ৷প্ৰাপ্ত তথ্য অনুসৰি, শুকুৰবাৰে মাফিয়াটোক আৰক্ষীয়ে কৰায়ত্ত কৰাৰ পিছত অধিক তথ্য লাভৰ বাবে আৰক্ষীয়ে চলাইছিল অভিযান ৷ এই অভিযান চলিছিল মাফিয়াটোৰ জুৰীয়াৰ কদমণি পথাৰ গাঁৱৰ বাসগৃহত ৷
আৰক্ষীৰ গুলীয়ে ভৰিত আঘাত কৰে ড্ৰাগছ মাফিয়া মইজুলৰ ৷ আৰক্ষীৰ গুলীত আহত ড্ৰাগছ মাফিয়াটোক ততালিকে স্থানীয় চিকিৎসালয়ত ভৰ্তি কৰোৱা হয় যদিও পৰৱৰ্তী সময়ত উন্নত চিকিৎসাৰ বাবে জিএমচিএইচলৈ প্ৰেৰণ কৰা হয় ৷
