ডিব্ৰুগড়ত ভয়াৱহ অগ্নিকাণ্ড। নিশাৰ প্ৰায় 3 বজাত ডিব্ৰুগড় চহৰৰ নিউ মাকেটত সংঘটিত হয় এই ভয়াৱহ অগ্নিকাণ্ড । প্ৰায় চাৰিঘণ্টাজুৰি অব্যাহত থকা এই অগ্নিকাণ্ডত জাহ যায় সৰু-বৰ কেইবাখনো ব্যৱসায়িক প্ৰতিষ্ঠান ৷
জানিব পৰা মতে,বৰ্তমান প্ৰায় ৩০ খন ব্যৱসায়িক প্ৰতিষ্ঠান ভস্মীভূত হৈছে এই অগ্নিকাণ্ডত । বিহুৰ প্ৰাক মূহুৰ্তত সংঘটিত হোৱা এই অগ্নিকাণ্ডত কেইবা কোটি টকাৰ সা-সম্পত্তি ভস্মীভূত হোৱা বুলি জানিব পৰা গৈছে ।
উজনিৰ বিভিন্ন প্ৰান্তৰ পৰা ইখনৰ পাচত সিখনকৈ অগ্নিনিৰ্বাপক বাহন আহিছিল যদিও বহু সময়লৈকে জুই নিৰ্বাপন কৰিবলৈ সক্ষম হোৱা নাছিল । অৱশ্যে পৰৱৰ্তী সময়ত BCPL, OIL INDIA LIMITED ৰ অগ্নিনিৰ্বাপক বাহিনীৰ বাহন উপস্থিত হৈ জুই নিৰ্বাপিত কৰিবলৈ সক্ষম হয় । উল্লেখ্য যে, চৰ্ট চাৰ্কিটৰ ফলতেই এই ঘটনাৰ সূত্ৰপাত হোৱা বুলি জানিব পৰা গৈছে ।
