পুনৰ কেন্দ্ৰীয় চৰকাৰে নিষিদ্ধ কৰিছে ১৬টা ইউটিউব চেনেল । ভুৱা বাতৰি প্ৰচাৰৰ বাবে এনে সিদ্ধান্ত লোৱা বুলি জানিব পৰা গৈছে । নিষিদ্ধ কৰা ১৬টা চেনেলৰ ভিতৰত পাকিস্তানৰ ৬টা চেনেলো আছে।
কেন্দ্ৰীয় তথ্য আৰু সম্প্ৰচাৰ মন্ত্ৰ্যালয়ৰ বিবৃতিত কৈছে যে, এই চেনেলসমূহে ভুৱা বাতৰি প্ৰচাৰ কৰিছিল। প্ৰধানকৈ সামাজিক মাধ্যমতে তেওঁলোকে বাতৰিসমূহ শ্বেয়াৰ কৰিছিল। ইয়াৰ ফলত দেশৰ নিৰাপত্তাত ব্যাপক প্ৰভাৱ পৰিছিল। কেৱল সেয়াই নহয়,ভাৰতৰ বৈদেশিক নীতি,সাম্প্ৰদায়িক সম্প্ৰীতিৰ ওপৰতো ব্যাপক প্ৰভাৱ পৰিছিল।
আনকি চেনেলসমূহে আই টি নিয়ম ২০২১-ও অনু সৰণ কৰা নাছিল। সেয়ে এই পদক্ষেপ লোৱা হৈছে। বিবৃতিটোত লগতে কোৱা হৈছে যে এই চেনেলসমূহত থকা বিষয়বস্তু সমূহত সন্ত্ৰাসবাদী গোটৰ সম্পৰ্কত বিভিন্ন তথ্য দাঙি ধৰা হয়। সেইদৰে বিভিন্ন ধৰ্মাৱলম্বী মানুহৰ ওপৰত আঘাত কৰা হৈছিল।এনে বিভিন্ন অভিযোগৰ বাবেই এই ১৬টা ইউটিউব চেনেল নিষিদ্ধ কৰা হৈছে।
উল্লেখ্য যে ইয়াৰ শেহতীয়াকৈ ভাৰত চৰকাৰে আন ২২টা চেনেল নিষিদ্ধ কৰিছিল। যোৱা ৫ এপ্ৰিলৰ পৰা এই চেনেলসমূহ দেশত নিষিদ্ধ কৰা হৈছিল।
এইবাৰ নিষিদ্ধ কৰা ১৬টা চেনেলৰ ভিতৰত ভাৰতৰ ১০টা আৰু পাকিস্তানৰ ৬টা চেনেল আছে।
ভাৰতৰ নিষিদ্ধ কৰা চেনেলসমূহ ক্ৰমে,
Saini Education Research
Hindi Mein Dekho
Technical Yogendra
Aaj te news
SBB News
Defence News24x7
The study time
Latest Update
MRF TV LIVE
Tahaffuz-E-Deen India
ইয়াৰ উপৰি নিষিদ্ধ কৰা পাকিস্তানৰ চেনেলকেইটা ক্ৰমে,
AjTak Pakistan
Discover Point
Reality Checks
Kaiser Khan
The Voice of Asia
Bol Media Bol