আৰক্ষীয়ে তীব্ৰগতিত ড্ৰাগছ বিৰোধী অভিযান চলাই থকা সময়ত ড্ৰাগছৰ অবৈধ বেহা চলাই থকা অৱস্থাতে অসম আৰক্ষীয়ে আটক কৰে এগৰাকী নাগালেণ্ডৰ আৰক্ষী বিষয়াক।
জানিব পৰা মতে, দেওবাৰে নিশা অসমৰ যোৰহাট জিলাৰ মৰিয়নীত অৱস্থিত নাগিনিজান চাহ বাগিচাত অসম আৰক্ষীয়ে অভিযান চলাই আটক কৰে নাগালেণ্ডৰ আৰক্ষী বিষয়াকগৰাকীক। অভিযুক্ত নাগালেণ্ড আৰক্ষী বিষয়াজন এ.পি.চি ৰিঠে বুলি চিনাক্ত কৰা হৈছে। দেওবাৰে নিশা তেওঁক এষ্টেটৰ নিৰাপত্তাৰক্ষীয়ে ধৰা পেলাই, পৰৱৰ্তী আইনী ব্যৱস্থাৰ বাবে তেওঁক স্থানীয় আৰক্ষীক চমজাই দিয়া হয়।
