ক’ভিডৰ ভয়াৱহতাৰ বাবে ৰাজ্যত শেহতীয়াকৈ জাৰি কৰা হৈছে নতুন SOP । এই SOP অনুসৰি ১০ বজাতেই উৰুকাৰ নিশা ভেলাঘৰৰ তলত ভোজ-ভাত খোৱাৰ পৰম্পৰা সামৰিব লাগিব। তদুপৰি পুৱা ৬ বজাত হে মেজি জ্বলাবলৈ লোক সকল আহিব পাৰিব।
বিভিন্ন জনে এই SOP ক লৈ অমান্তি হোৱা পৰিলক্ষিত হৈছিল, অৱশেষত বিশেষভাৱে ভোগালী বিহুৰ উৰুকাৰ দিনা ৰাজ্যত শিথিল কৰা হৈছে সান্ধ্য আইন। নিশা ১০ বজাৰ পৰিৱৰ্তে ১১ বজাৰ পৰা আৰম্ভ হ’ব সান্ধ্য আইন পুৱা ৬ বজাৰ পৰিৱৰ্তে ৪ বজালৈ থাকিব এই সান্ধ্য আইন । এই মন্তব্য কৰে মুখ্যমন্ত্ৰী হিমন্ত বিশ্ব শৰ্মাই । উল্লেখযোগ্য যে, মঙলবাৰে কলাক্ষেত্ৰত আয়োজিত এক অনুষ্ঠানত উপস্থিত থাকি সংবাদ মাধ্যমৰ আগত প্ৰকাশ কৰে। ইপিনে এই অনুষ্ঠানতেই যিসকলে বিহুৰ SOP ৰ বিৰোধিতা কৰিছে তেওঁলোক অসম বিৰোধী, অসমীয়া বিৰোধী বুলি মুখ্যমন্ত্রী গৰাকীয়ে মন্তব্য কৰে।