যোৰহাটত চোৰাং গৰুৰ ৰমৰমীয়া বেহা l

যোৰহাটৰ শান্তি আশ্ৰমৰ পৰা চোৰাং গৰু সৰবৰাহ চলি আছে l যোৰহাট পুলিবৰ আৰক্ষীয়ে দেওবাৰে নিশা দুখন গৰু ভৰ্তি বলেৰ সহ ৫ জন ব্যক্তিক আটক কৰিছে l

যোৰহাটৰ ককিলামুখৰ শান্তি আশ্ৰমৰ পৰা নগাঁও অভিমুখী দুখন বলেৰ পিক আপ গাড়ীৰে লৈ যোৱা হৈছিল গৰু খিনি l বলেৰ দুখনৰ নম্বৰ হৈছে AS-03AC-3527 আৰু AS- 03AC-3475 l

আটক কৰা যুৱক কেইজন আইজুল ইছলাম (৩০) মহম্মদ ইদুল আহমেদ ( ২৭)পিংকু কলিতা(২২)বিৰেন চৌধুৰী (৩৪)ৰাকেশ চাহা(২৮) বুলি জানিব পৰা গৈছে

চোৰাং গৰু খিনি বাংলাদেশলৈ নিয়াৰ সন্দেহ কৰিছে l

কিন্তু তাৎপয্যপূৰ্ণ কথা হ’ল যে গো মাফিয়াই ৰাতি প্ৰায় তিনি বজাত থানাৰ সন্মুখত জব্দ কৰি ৰখা দুখন গাড়ীত অগ্নি সংযোগ কৰে l

দেওবাৰে নিশা ১০ টা গৰুসহ ৫ জন ব্যক্তিক জব্দ কৰি কোনো নথি পত্ৰ দিব নোৱাৰাৰ বাবে আৰক্ষীয়ে গোচৰ ৰুজু কৰে l কিন্তু লক্ষণীয় ভাৱে ৰাতিলৈ সংঘটিত হয় এই ভয়ংকৰ অগ্নিকাণ্ড l

এই ঘটনাই বিভিন্ন প্ৰশ্ন উত্থাপন কৰিছে যদিও এতিয়া আৰক্ষীৰ মনোবল ভাঙিবৰ বাবে এই গো মাফিয়া উদ্ভণ্ডামি বুলিও সন্দেহ কৰা হৈছে l