অহা ৬ মে’ত অসমৰ ছবিঘৰলৈ আহিব গংগা। শুকুৰবাৰে টীয়কৰ বৰা বজাৰত উপস্থিত হয় টীম গংগা। টীয়ক চিনে ক্লাৱ আৰু সন্মিলিত যুৱ সংঘ টীয়কৰ উদ্যোগত জনপ্ৰিয় অভিনেত্ৰী প্ৰস্তুতি পৰাশৰ,অভিনেতা অৰূপ বৈশ্য আৰু যোগেশ কাশ্যপ উপস্থিত হৈ সকলোকে নতুন অসমীয়া বোলছবিখন চাবলৈ জনালে আহ্বান।
সম্পূৰ্ণ বাস্তৱধৰ্মী ছবিৰ লগতে প্ৰতিটো অংশৰ ফালৰ পৰা নিখুতকৈ তথা দৰ্শকে আমোদ পোৱাকৈ প্ৰস্তুত কৰা হৈছে ছবিখন। অসমীয়া ছবি চাই অসমীয়া ছবি জগতখন আগুৱাই যোৱাৰ ক্ষেত্ৰত ৰাইজৰ সহায় বিচাৰি এইদৰে নগৰে চহৰে তেওঁলোকে প্ৰচাৰ চলাইছে বুলি মন্তব্য কৰিছে অভিনেত্ৰী প্ৰস্তুতি পৰাশৰে।
