লতাশিলৰ বিহু সম্ৰাজ্ঞীৰ খিতাপ অৰ্জনৰ পিছতেই যোৰহাটৰ শতাব্দী কলিতাৰ বাসগৃহত সংঘটিত হৈছে এক অঘটন। চোৰে চাফাই অভিযান চলালে শতাব্দী কলিতাৰ যোৰহাট তৰাজান পুৰণা গায়নগাওঁস্থিত বাসগৃহত।
উল্লেখ যে, গুৱাহাটীৰ পৰা যোৰহাটৰ বাসগৃহলৈ শতাব্দীক পৰিয়ালৰ লোকে আনিবলৈ যাওতেই চোৰে তহিলং কৰে বিহু সম্ৰাজ্ঞীগৰাকীৰ বাসগৃহ।
যোৰহাট আৰক্ষীৰ নিৰাপত্তা ব্যৱস্থাক ভেঙুচালি কৰি চোৰৰ দলে লৈ যায় চাইকেল, টিভি পৰ্যন্ত।
বিগত কিছুদিনৰ পৰা যোৰহাট তৰাজান অঞ্চলত ধাৰাবাহিকভাবে চোৰৰ দলে সন্ত্ৰাসৰ সৃষ্টি কৰি আহিছে। শতাব্দীক গুৱাহাটীৰ পৰা আনিবলৈ যোৱাৰ সময়তে সংঘটিত হয় এই অঘটন। চোৰৰ দলে দুৱাৰৰ তলা ভাঙি বহু মূল্যবান সামগ্ৰী লৈ যায়।
