লংকাৰ কাকীত সদ্য প্ৰয়াত প্ৰাক্তন আছুৰ নেতালৈ প্ৰাক্তন কাকী আঞ্চলিক ছাত্ৰ সন্থাৰ নেতা কৰ্মীৰ শ্ৰদ্ধাঞ্জলী আৰু পৰিয়ালক সাহাৰ্য প্ৰদান৷ উল্লেখ্য যে, কাকী আঞ্চলিক ছাত্ৰ সন্থাৰ ভাৰপ্ৰাপ্ত সভাপতিকে ধৰি কেইবাটাও গুৰুত্বপুৰ্ণ দায়িত্ব নিষ্ঠাৰে আৰু সততাৰে পালন কৰি কাকী আঞ্চলিক ছাত্ৰ সন্থাৰ পৰা বিদায় লৈছিল আচাবউদ্দিন নামৰ যুৱকজনে৷
ছাত্ৰ সন্থাৰ পৰা বিদায় লৈ প্ৰয়াত আচাবউদ্দিন আহমেদে কাকীৰ বিভিন্ন সামাজিক কাম আৰু এজন সুদক্ষ ক্ৰিয়া সংগঠক হিচাপে সেৱা আগবহাই আছিল৷ ইয়াৰ মাজতে পৰিয়াল পোহপাল দিবলৈ গাড়ীৰ হেন্দিমেন আদিৰ দৰে কাম কৰিবলৈও কুন্ঠাবোধ কৰা নাছিল৷
হঠা়ৎ ২২ এপ্ৰিল তাৰিখে তেখেতৰ মৃত্যু হয়। একালৰ এই ছাত্ৰনেতা গৰাকীৰ পৰিয়ালটোৰ দুৰৱস্থাক কিছু সকাহ দিয়াৰ লক্ষ্যৰে কাকী আঞ্চলিক ছাত্ৰ সন্থাৰ প্ৰাক্তন সভাপতি নুৰ মাহমুদৰ নেতৃত্বত একাংশ প্ৰাক্তন ছাত্ৰ সন্থাৰ নেতা কৰ্মীয়ে প্ৰয়াত আছাবউদ্দিন আহমেদৰ ঘৰত উপস্থিত হৈ কিছু খাদ্য সামগ্ৰী, নগদ ধন আৰু এখন শ্ৰদ্ধাঞ্জলী পত্ৰৰে প্ৰয়াত ছাত্ৰ নেতা গৰাকীৰ পৰিয়ালৰ দুখৰ সমভাগী হয়৷ ইফালে প্ৰাক্তন কাকী আঞ্চলিক ছাত্ৰ নেতা কৰ্মী সকলে প্ৰয়াত আচাবউদ্দিন আহমেদৰ পৰিয়ালটোৰ প্ৰতি ভৱিষ্যতেও সহায় সহযোগিতাৰ কৰাৰ আশ্বাস প্ৰদান কৰে৷