এখন সৰু গাওঁ। কেইটামান পৰিয়ালে তাত বাস কৰে। গাওঁখনৰ সুবিধাৰ বাবে, তাত চৰকাৰে এখন প্ৰাথমিক বিদ্যালয় খুলিছিল। কিন্তু, শিশুবিদ্যালয়খন এতিয়া এক অৱনতিৰ মাজত আছে। বিদ্যালয়খনত এজনো শিক্ষাৰ্থী নাই।
কিন্তু কিয়! শিক্ষক থকাৰ পিছতো বিদ্যালয়খনত কিয় কোনো শিক্ষাৰ্থী নাই? বিদ্যালয়খন ১৯৯১ চনতেই স্থাপিত কৰা হৈছিল।
উল্লেখ্য যে, খুলনাৰ মায়ানপুৰ গাওৰ মায়ানাপুৰ চৰকাৰী প্ৰাথমিক বিদ্যালয় হৈছে একমাত্ৰ বিদ্যালয়। মায়ানপুৰ গাওখনত মাত্ৰ ২৯ টা পৰিয়ালে বাস কৰে। বিদ্যালয়খনৰ যাত্ৰা ১৯৯১ চনৰ পৰাই আৰম্ভ হৈছিল। তেতিয়াৰ পৰা এই বিদ্যালয়খন ভালদৰে চলি আছিল। ২০১৫ চনলৈকে বিদ্যালয়ৰ ছাত্ৰ-ছাত্ৰী আছিল। বিদ্যালয়খন ছাত্ৰ-ছাত্ৰীৰ কোলাহলেৰে ভৰি পৰিছিল। কিন্তু, কিছু বছৰৰ পৰা বিদ্যালয় খনত এগৰাকীও শিক্ষাৰ্থী নাই। কোনেও পঢ়িবলৈ নাহে বিদ্যালয় খনত।
ময়নাপুৰ গাঁৱৰ ২৯ টা পৰিয়ালত যোৱা ৭ বছৰত কোনো শিশুৰ জন্ম হোৱা নাই। সেয়েহে, বিদ্যালয়ত পঢ়িবলৈ কোনো ছাত্ৰ-ছাত্ৰী নাহে। বিদ্যালয়খনত তিনিজন শিক্ষক আছে। তেওঁলোকে কাম নকৰাকৈয়ে প্ৰতিদিনে দৰমহা পায়।
বহুলোকে বিদ্যালয় চৌহদত ব্যক্তিগত কামো কৰি থাকে। কিছুমানে স্কুলৰ চোতালত চাউল শুকুৱাই আছে, আন কিছুমানে ইয়াত চাউল উতলাই আছে। এফালে আৱৰ্জনাৰ স্তূপ আছে।
গাওঁখনৰ বহুতে কয় যে ইয়াত মাত্ৰ কেইটামানহে শিশু আছে। কিন্তু, তেওঁলোকৰ এতিয়াও বিদ্যালয়ত পঢ়িবলৈ যথেষ্ট বয়স হোৱা নাই। কৰ্তৃপক্ষই মায়ানাপুৰৰ এই প্ৰাথমিক বিদ্যালয়খন বন্ধ কৰাৰ কথা ভাবি আছে।
