নিউজ ডেস্কঃ নর্থ ইষ্ট ইউনাইটেড এফ চিয়ে ইণ্ডিয়ান ছুপাৰ লীগ ফুটবল প্রতিযোগিতাত আজি অভিযান আৰম্ভ কৰিব৷ কালিৰে পৰা গোৱাত আৰম্ভ হোৱা প্রতিযোগিতাখনৰ আজি গোৱাৰ ভাস্ক’ৰ তিলক ময়দানত হ’বলগীয়া মেচখনত নর্থ ইষ্ট ইউনাইটেড এফ চিয়ে মুম্বাই চিটী এফ চিৰে প্রতিদ্বন্দ্বিতা আগবঢ়াব৷
আজিৰ মেচখনৰ সন্দর্ভত নর্থ ইষ্টৰ প্রশিক্ষক জেৰার্ড নুছে কয় যে বিগত ছিজনত আমি কি প্রদর্শন দাঙি ধৰিছো সেয়া আমাৰ চাবলগীয়া নাই৷ বর্তমান আমি এক নতুন উদ্যমেৰে প্রতিযোগিতাখনত অৱতীর্ণ হ’ম আৰু এইবাৰ আমি প্লে’ অফত স্থান লাভ কৰিবলৈ সক্ষম হ’ম৷
উল্লেখ্য, মেচখনত অসম সন্তান প্রজ্ঞান গগৈ আৰু নবীন ৰাভাৰ ওপৰত সকলোৰে দৃষ্টি নিবদ্ধ থাকিব৷ দুয়োগৰাকী অসম সন্তানে আজিৰ মেচখনৰ মূল একাদশত স্থান লাভ কৰাৰ সম্ভাৱনা৷ খেলৰ সময়ঃ সন্ধিয়া ৭.৩০ বজা৷
